Khamiis, October, 19,
2017 (HOL) – Madaxwaynaha Somaliland Axmed
Maxamed Maxamuud Siilaanyo oo mudooyinkii u danbeeyay safararo Ku galaa
bixinayay deegaano kala duwan ayaa maanta soo gaadhay magaalada Laascaanood ee
xarunta gobolka Sool.
Madaxeaynaha ayaa xadhiga ka jaray
Dugsiga Sare ee Hoyga Laascaanood oo la dhisay 1962dii ayaa noqday
mid burburay kadib markii uu burburay sistamkii waxbarasho wixii la danbeeyey
sagaashamaadkii.
Iskoolkan waxaa dib u dhiskiisa
ku baxday hanti gaadhaysa milyan iyo sadex boqol oo kun oo Dollar,
waxaana loogu talagalay in ay wax Ku bartaan adrayda ka soo baxda
dugsiyada dhexe ee ku yaal degaanada aan lahayn dugsiyada sare.
Waxa uu sidoo kale mudane Siilaanyo
xadhiga ka jaray xarumo cusub oo lagu soo kordhiyay Isbitaalka Laascaanood oo
la dhisay 1946dii oo aan helin dayactir iyo dibudhis toona ayaa waxa la geliyey
dhaqaale gaadhaya 2,400,000 oo Dollar, taas oo ka dhigtay mid haatan
lagu tilmaami karo mid u qalma dadka magaalada Laascaanood ku
nool.
Dagmada Yagoori oo ka mid ahayd
magaalooyinka uu wafdiga madaxwaynahu soo maray ayaa waxaa si wayne loogu soo
dhaweeyay madaxwaynaha , iyadoo lagu gudoonsiiyay Faras .
Garaad Jaamac garaad Ismaaciil
Ducaale oo gudoonsiiya madaxwayne Axmed Maxmuud Siilaanyo faraska ayaa
tilmaamay waxqabdakii xukuumadiisu ka gaysatay mandaqadatan una mahad celiyay .
Safarka Madaxweynaha Somaliland oo
noqonaya kii ugu danbeeyey iyadoo uu xilkiisu dhamaaday ayaa waxa uu
magaalada Laascaanood kaga tegey isbedel balaadhan kaas oo ay ka
mid yihiin wadooyin laami ah oo gaadhay 13 taas oo dardaaran uu uga dhigayo
xisbigiisa KULMIYE in dadku ay doortaan si uu waxqabadku u sii
socdo.
Seynab Cabdi Warsame, Hiiraan
Online.
[email protected]
Laascaanood, Gobolka Sool