Arbaco, October, 18, 2017 (HOL) - Maxkamad ku taal dalka Mareykanka ayaa wax
waba kama jiraan ka dhigtay mamnuucidii Madaxweyne Donald Trump ku soo rogay
muwaadiniinta 8 dal inay soo galaanMareykanka.
Maxkamad heer Federaal ah ayaa soo saaray amar si KMG loogu xadiddayo dhaqan
gelinta amarka Madaxweyne Trump.
Amarka mamnuucistan ayaa ka dhan ahaa muwaadiniinta dalalka Iiraan, Liibiya,
Suuriya, Yemen, Soomaaliya, Chad, Venezuela iyo Waqooyiga Kuuriya
Garsooraha Maxkamadda Federaalka ee Gobolka Hawaii ayaa sheegay in
mamnuucida lagu soo rogay muwaadiniinta 8 dal ay tahay mid jabineysa shuruucda
socdaalka dalka Mareykanka.
Sidoo kale waxaa uu ku dooday in aan la caddeyn in muwaadiniintaas ay khatar
ku yihiin danaha dalka Mareykanka.
Donald Trump ayaa balan-qaadkiisii xilligii ololihii doorasho ahaa inuu
Mareykanka ka mamnuuci doono qaar ka mid ah muwaadiniinta dalalka Muslimiinta.
C/raxmaan Diini, Hiiraan Online
[email protected]
