Hay’adda Bisha Cas ee Imaaraadka Carabta oo gargaar gaarsiisay dadkii ay wax yeellada ka soo gaartay Qaraxii Zoobe
Arbaco, October, 18, 2017 (HOL) -- Waxaa wali sii kordhaya dadaallada loogu
gurmanayo dadkii ku wax yeeloobay qarixii 14kii bishan ka
dhacay isgoyska Zoobe ee magaalada Muqdisho, kuwaa oo ku jira isbitaalada
magaalada Muqdisho.
Hay’adda Bisha Cas ee Imaaraadka Carabta ayaa deeq isugu jirta Timir iyo
Biyo waxaa ay u qeybisay qaar kamid ah dadkii ku dhaawacmay qarixii ka dhacay
Isgoyska Soobe iyo sidoo kale dadka wada ololaha nadaafadad goobtii falkaasi uu
ka dhacay.
Isbitalka Banaadir oo ay ku jiraan Qaar kamid ah dhaawacyadii ka dhashay
qaraxaasi,iyo bukaano kale oo horey
halkaasi u jiifay ayaa si isku mid ah loogu qeybiyay deeqdan, sidi loogu kaabo
noloshooda.
Agaasimaha maamulka Isbitalka Banaadir ayaa ka mahad celiyaya deeqdan isagoo
codsaday in adeegyada kale ee caafimaad oo ay u baahan yihiin laga haqab tiro.
Intaasi kaddib ayaa waxaa mas’uuliyiintii ka socotay Hay’adda Bisha Cas ee
Imaaraadka Carabta waxaa ay tageen goobtii qaraxa uu ka dhacay halkaasi oo ay
gaarsiyeen,deeq Timir iyo Biyo isugu jirta taasi oo loogu talagalay in lagu
dhiiro geliyay dadka ka qeyb qaadanaya nadaafadda goobtaasi,kuwaasi oo isugu
jira ciidamada xoogga dalka iyo qeybaha bulshada.
Jawaahir Barqab guddoomiyaha Ururka haweenka gobolka Banaadir iyo Saraakiil
qeyb ka ah howlahaasi gurmadka ayaa sheegay in talaabadana ay muujinayso sida
looga wada damqaday shacabka Soomaaliyeed.
“Runtii aad iyo aad ayaan uga mahadcelinaynaa dhamaan dadkii u
sitaagay in ay ka qeyb qaatan howlahan gurmadka ah,waxaan uga mahadnaqaynaa
hay’adda Bisha Cas sida gar gaarkani ay ina soo gaarsiisay markastana waxaa ay
diyaar u tahay sidii ay uga qeyb qaadan lahayd samatabixinta shacabka
Soomaaliyeed,waxaan leenahay waad ku mahadsan tihiin.”,ayeey sheegeen mas’uuliyiinta.
C/raxmaan Diini, Hiiraan Online
[email protected]