Culumodiinka Minnesota oo shalay Shir Jaraa'id u qabtay in la Gargaaro Dadka Qaraxa ku Waxyooloobay VIDEO
Arbaco, October, 18, 2017 (HOL) -Culumadiinka gobolka Minnesota ayaa shalay galabnimadii
shir Jaraaid ku qabtay qolka xafladaha ee masaajidka Umuttul Islam ee
magaaladda Minneapolis,culumadaan oo ka socday masaajida kala duwan ee
Minnesota ayaa ujeedadoodu ay aheed in gargaar xoogle laga aruuriyo masaajida
Minnesota si loogu gargaaro dadkii dhibaatadu ka soo gaartay qaraxii magalaada
Muqdisho 14 bishaan oo ay ku geeryoodeen dad ku dhow 300 oo qof.
Shirkaan Jaraa;id oo culumaddu ay ka soo
saareen 7 qodob ayaa waxaa saxaafadda u akhriyey Sh. Xasan Maxamud Jaamici
Imaamka Masjid Dacwo ee St Paul.
1-Waxaan ugu tacsiyeenaynaa guud ahaan
shacabka Soomaaliyeed gaar ahaan eheledii iyo qaraabadii dadkii ku geeriyooday
iyo kuwii ku dhaawacmay qaraxii ka dhacay Magaalada Muqdisho maalintii Sabtida
ee 14 ka bisha Oktoober.waxaan ilaahey uga baryeeynaa intii dhimatay inuu ilaahey u
naxariisto inta dhaawaca ahana uu caafimaad deg deg ah siiyo.
2-Waxaan si adag u cambaaraynaynaa cidii ka
danbaysay dhacadadaan murugada iyo xanuunka badan,waxa aan shaki ku jirin fal
dembiyeedkaan in uu yahay mid ay xarimayso si buuxdan uga soo hor jeeda
tacaaliimta diinteena suuban ee Islaamka.,waxaana sidoo kale uu ka soo hor jeedaa caqliga & dhaqanka suuban iyo bani aadanimada.
3-waxaa aan ku adkeynaynaa Dawlada Federaalka
ee Soomaaliya in baaritaan deg deg ah ku samayso cidii ka danbeysay falkan
waxushnimada ah sidoo kale ay la xisaabtanto cidii si uun ugu lug eh
abaabulka ama fulinta fal dambiyeedkan iyadoo la kaashaneysto hay adaha barista
caalamiga dhacadadaad oo kale ku taqaqusay.
4- Waxa aan ugu baaqeynaa shacabka
Soomaaliyeed meel kastaba ay joogaan in ay u midoobaan cadowgooda u gurmadaan
walaalahooda dhibaatadu ku dhacady,ilaalyaan midnimada dhexdooda kana
foogaadaan wax kasta oo keeni kara in shisheeye ama cadow uu ka dhex faa
iideysto.waxa aan si gaar aha u bogaadineynaa dadka Soomaaliyeed ee taageerada
iyo dareenka fiican u muujiyaya walaalahoodo dhibtu gaartay.
5-waxaan ugu baaqeynaa dowladaha saaxiibka la
ah Soomaaliya kuwa carabta hey'adaha caalamiga ah iyo dhamaanba bulshada
caalamka in ay kaalmo deg deg ah la gaaraan shacabka ay dhibaatadani ku
dhacdey.
6- waxaan u mahad celinaynaa dhamaan
dowladaha gurmadka u fidiyey dadka qaraxa ku waxyeeloobay si gaar ah waxaan ugu
mahad cilineynaa dowladahii u soo gurmaday shacabka Soomaaliyeed sida Turkiga Jabuuti iyo Maraykanka.
7-Culummada Soomaaliyeed ee gobolka Minnesota waxaan go,aan ku gaarnay in Jimcaha soo socota oo ku beegan 20 ka bishan October
aan olole dhaqaale aruurin ka bilowno dhamaan masaajida ku yaala gobolka Minnesota
Sidoo kale waxa aan samaynay barnaamijka GoFundMe oo ah mid lagu caawinayo dadka dhinaca Online-ka oo aan ugu talo galnay in lagu
taakuleeyo dhamaan dadkii ku tabaaloobey fal dambiyeedkan.
Siyad Said Salah
Hiiraan Online
Minneapolis MN