Arbaco, October, 18, 2017 (HOL) – Guddoomiyaha maamulka gobolka Banaadir
Thaabit Cabdi Maxamed ayaa sheegay maanta oo Arbaco ah in magaalada Muqdisho uu
ka dhici doono dibadbax weyn oo ka qeyb qaadanayaan dadka reer Muqdisho
Guddoomiyaha ayaa sheegay in dhalinyarada Soomaaliyeed iyo dhammaan reer
Muqdisho looga baahan yahay in maanta ay isku soo baxaan, si dibadbaxa looga
qeybgallo.
“Maanta waxaa jirta duco ama Tacsi ballaaran oo ka dhaceysa Muqdisho oo la
isugu imaanayo Koonis Stadium, ilaa magaalada lagu socon doonaa, si looga
dhiidhinayo dhibka dhacay,” ayuu yiri Guddoomiye Thaabid.
Guddoomiye Taabit ayaa intaa ku
darray in maanta ay tahay maalintii loo midoobi lahaa, gumaadkii iyo xasuuqii
dadka Muqdisho lagu sameeyay, islamarkaana ay muujin doonaan sida ay uga
dhiidhiyeen.
Maalin ka hor ayay aheyd markii Banaanbax uu ka dhacay fagaaraha Daljirka
Daahsoon, halkaas oo boqolaal qof ay isugu soo baxeen, iyagoo ka careysan
qaraxii dadka faraha badan lagu xasuuqay ee ka dhacay 14-kii October isgoyska
Zoobe.
C/raxmaan Diini,
Hiiraan Online
[email protected]
