Ra’iisal wasaare Kheyre oo xalay booqday goobtii uu qaraxa ka dhacay ee Isgoyska Zoobe
Isniin, October, 16, 2017 (HOL) -- Ra’iisul wasaaraha xukuumadda Soomaaliya
Xassan Cali Khayre ayaa xalay kormeer ku tagey goobtii uu ka dhacay qaraxii
galaaftay nolasha dad badan oo Soomaali ah magaalada Muqdisho.
Ra’iisal Wasaaraha, ayaa goobtaasi kula hadlay ciidamada dowladda oo ka qayb
qaatay gurmadkii loo sameeyay dadkii ku dhintay, kuna dhaawacmay qaraxaasi.
Ra’iisul wasaaraha ayaa uga mahad celiyey ciidamada sida dhiiran oo ay u caawiyeen shacabka, sidaa
daraadeed aysan marnaba dowladda u hilmaami doonin doorkooda ku aadan gurmadka
loo sameynayo dadka ay wax yeelladu soo gaartay.
Dhinaca kale ra’iisul Wasaaraha ayaa booqday xarunta gurmadka Qaran, halkaas
oo ka socdaan howllo baaxad leh oo lagu caawinayo dadka ay dhibaatadu soo
gaartay.
Shacabka reer Muqdisho, ayaa waxaa lagu ammaanay in ay si weyn uga
falceliyen baaqii ahaa, in loo gurmado dhibane-yaasha, isla-markaana ay
dhiigoodu u yaboohaan.
C/raxmaan Diini, Hiiraan Online
[email protected]
