3/28/2024
Today from Hiiraan Online:  _
Wararka Maanta- Axad, Oct 15, 2017
Qoysas wali ku jahwreersan baadigoobka dad ay Ehel yihiin oo ugu war danbeysay Qaraxii shalay

 

Axad, October, 15, 2017 (HOL) - Qoysas badan oo ku dhaqan caasimada Muqdisho ayaa wali ku jahwareersan xogta iyo halkii ay ku danbeeyay dad Ehel yihiin oo ugu war danbeysan iyaga oo ku sugnaa maalintii shalay Isgoyska Zoobe ka hor inta uusan Qaraxu dhicin.

Kumannaan dadweyne ah ayaa wali ku sugan hareeraha Isgoyska Zoobe kuwaa oo ka codsanaya ciidamada dowladda in loo fasaxo in ay gudaha u gallaan bur burka dhismayaasha soo dumay bal si ay uga baadigoobaan dad wali ka maqan oo nolal iyo geeri mid lagu ogeyn.

Dadka qaar ayaa la sheegay qaraxu dhacay iyaga oo ku sugan gudaha goobahooda ganacsiga, waxaana laga cabsi qabaa in ay ku hoos jiraan burburka dhismayaasha.

Sidoo kale waxaa jira dad iyaguna la socday gadiidka dadweynaha oo markaa goobta marayay kuwaa oo ilaa iyo hadda aan la ogeyn halka ay ku danbeeyeen.

Afar gabdhood oo walaalo ah ayaa la sheegay in wali lagu la yahay qaraxii shalay oo aan wali la helin meydkooda, laakiin qof ay qaraabo dhaw yihiin ayaa sheegay in ka hor inta uusan qaraxu dhicin in ay kala soo hadleen Isgoyska Zoobe.

Dadka qaar ayaa rajo ka qaban in ay jirin karaan dad nool oo laakiin ku dhax xayiran dhismayaasha isku dul bur buray hoostooda waloow arrintaa ay noqon karto mid dhif iyo naadir ah.

Qaraxii maalintii shalay ka dhacay magaalada Muqdisho ayaa ku reebay dadka reer Muqdisho saameyn xun oo dhinaca maskaxda ah marka la eego muuqaalka dadka goobta ku geeriyooday oo aan la kala saari karin rag iyo dumar, carruur iyo dad waaweyn midka uu yahay qofka meydka ah ee goobta yaala.

C/raxmaan Diini, Hiiraan Online
[email protected]













Click here
10/15/2017 9:22 AM EST
Axad, October, 15, 2017 (HOL) - Inkastoo dowladda federaalka aysan wali soo saarin tirkoobka rasmiga ah dadkii ku dhintay qaraxii maalintii shalay ka dhacay Isgoyska Zoobe ayaa haddana dhinaca kale qaar ka mid ah Agaasimayaasha goobaha caafimaadka waxaa ay xaqiijinayaan tirada rasmiga meydadka la soo gaarsiiyay goobahooda caafimaadka.

10/15/2017 7:22 AM EST
Axad, Octobar,15 2017 (HOL) –Ra’isal wasaaraha Itoobiya ha Hailemariam Desalegn ayaa kulamo gaargaar ah la yeeshay saddexda musharaxiin ee saddexda xisbi ee Somaliland.

10/15/2017 5:25 AM EST
Axad, October, 15, 2017 (HOL) - Guddoomiyaha gollaha Aqalka sare Cabdi Xaashi C/llaahi iya oo la hadlay warbaahinta Dowladda ayaa sheegay in la baajiyay kulan ay lahaayeen gollaha.

10/15/2017 5:14 AM EST
Axad, October, 15, 2017 (HOL) - War Qoraal ah oo ka soo baxay xafiiska madaxweynaha Dowlad Goboleedka Hirshabelle Dr Maxamed Cabdi Waare ayaa tacsi tiiraanyo leh loogu Diray ehelada,Asxaabta, qaraabada, iyo Guud ahaan Umadda Soomaaliyeed, dadkii ku waxyeeloobay mashaqadii shalay ka dhacday magaalada Muqdisho taasi oo ay ku nafwaayeen tiro shacab ah.

10/15/2017 4:55 AM EST
Axad, October, 15, 2017 (HOL) – Madaxweynaha dowladda Soomaaliya Maxamed C/llaahi Farmaajo ayaa booqday goobtii uu qaraxa ka dhacay shalay Isgoyska Zoobe iyo Isbitaalada la geeyay dadkii ku dhaawacmay.

10/15/2017 3:51 AM EST
Axad, October, 15, 2017 (HOL) -Madaxweynaha dowlad goboleedka Soomaaliyeed ee Jubaland Mudane Axmed Max’ed Islaam ayaa tacsiyeeyay weerarkii ay dadka badani ku dhinteen ee ka dhacay magaalada Muqdisho, kaasoo gaadiid walxaha qarxa laga buuxiyay uu ku qarxay bartamaha suuqa Zoobe oo ah goob ahayd goob aad u mashquul badan.

10/15/2017 3:36 AM EST
Axad, October, 15, 2017 (HOL) – Qaramada Midoobey ayaa cambaareyn kulul u jeedisay Qaraxii galaaftay nolasha dad badan oo Soomaali ah oo maalintii shalay ka dhacay Isgoyska Zoobe ee magaalada Muqdisho.

10/15/2017 3:21 AM EST
Axad, October, 15, 2017 (HOL) – Waxaa saakay inta badan xiran jidadka muhiimka ah ee caasimada iyo goobaha ganacsiga, waxaana soconaya gurmadka loo fidinayo dadkii ku waxyeeloobay qaraxii shalay ka dhacay Isgoyska Zoobe.

10/15/2017 3:09 AM EST
Axad, October, 15, 2017 (HOL) – Wali waxaa ka soconaya Agagaarka halkii uu ka dhacay qaraxii shalay ee Isgoyska Zoobe gurmadka loo fidinayo dadkii ay wax yeeladu ka soo gaartay qaraxa.

10/15/2017 2:57 AM EST
Axad, October, 15, 2017 (HOL) - Madaxweynaha dowladda Federaalka ah ee Soomaaliya Maxamed C/llaahi Farmaajo ayaa ku dhawaaqay saddex maalmood oo baroor diiq qaran ah oo ku aadan musiibadii shalay ka dhacday Isgoyska Zoobe, halkaasoo gaari xamuul ah oo waxyaabaha qarxa laga soo buuxiyay uu ku qarxay.