Axad, October, 15, 2017 (HOL) – Waxaa saakay inta badan
xiran jidadka muhiimka ah ee caasimada iyo goobaha ganacsiga, waxaana soconaya gurmadka loo fidinayo dadkii ku
waxyeeloobay qaraxii shalay ka dhacay Isgoyska Zoobe.
Wadada Maka Al-Mukarama ayaa meelo
badan ka xiran, laga soo bilaabo Isgoyska Sayidka illaa KM4, sidoo kale wadada
Wadnaha ayaa meelo ka mid ah ka xiran.
Waxaa sidoo kale xiran WaddadaWadnaha
meelo qaar dadka loo diidayaa in ay maraan, iyadoo Isgoysyada wadadaas ciidamo
fara badan ku sugan yihiin.
Guddoomiyaha Gobolka Banaadir Taabid
Cabdi Maxamed ayaa ugu baaqay ciidamada ammaanka inay dadweynaha u furaan
waddooyinka, si ay uga qeyb qaataan gurmadka..
Dadweynaha ayaa socod ku maraya
waddooyinka xiran, mana jiro wax gaadiid ah oo shaqeynaya, waxaana muuqaalka
magaalada uu ka duwan yahay sidii ay aheyd maalmihii la soo dhaafay.
Boqolaal qof oo eheladooda raadinaya
ayaa buux dhaafiyay Isbitaalada iyo halkii qaraxa ka dhacay, waxaana jira dad
wali lagu la’yahay nolol iyo geeri.
Dadka shacab ah ayaa intooda badan
maanta mashquul ku ah sidii ay uga qeyb qaadan lahaayeen gurmadka loo fidinayo
dadka ay wax yeeladu soo gaartay.
Dad badan oo doonaya in ay dhiig ku
deeqaan ayaa Hiiraan Online u sheegay in waayeen meel ay ka gallaan
isbitaallada oo ay dadku buux dhaafiyeen.
C/raxmaan
Diini, Hiiraan Online
[email protected]
