Wasiir Oomaar ‘’ Dhismayaasha UN–ka Carqalad ayeey ku noqdeen howlaha garoonka diyaaradaha
Jimco, October, 13, 2017 (HOL) – Wasiirka Wasaarada Gadiidka iyo Duulista
hawada xukuumada Soomaaliya Maxamed C/laahi Salaad Oomaar ayaa sheegay in
dhimayaasha hay’addaha UNka ku leeyihiin agagaarka garoonka diyaaradaha caqabad
ku yihiin howlaha ka socda garoonka.
Wasiirka ayaa sheegay in hay’addaha UN-ka
in ay u degan yihiin agagaarka Garoonka Diyaaradaha ee Muqdisho, sababo amni
darteed, hasse ahaatee dhinaca kale marka la eego caqabad ku noqdeen balaarinta
iyo howlaha kale ee ka socda, muhiimna ay tahay in arrimahaasi wax laga qabto.
‘’Lama ogolaan doono in leysku sii degenaado Agagaarka Garoonka Diyaaradaha,
waxaana socda wada hadal la xiriira sidii ay halkaa uga guri lahaayeen hay’addaha
degan’’ ayuu yiri wasiirka oo la hadlayay warbaahinta dowladda.
Wasiirka ayaa sidoo kale sheegay si garoonka looga dhigo Garoon caalami ah
muhiim ay tahay in dib u habeyn lagu sameeyo, lagana fogeeyo dhismayaasha ku dhaw dhaw, waqtina loo qabtay.
Garoonka diyaaradaha magaalada Muqdisho oo ka mid ah ilaha dhaqaalaha ugu
xoogan badan uu ka soo gallo dowladda ayaa waayadii ugu danbeeyayba waxaa ka
socdy howlo dib dhis iyo dib u habeyn isugu jira waxaana la qorsheynayaan in
garoonku si rasmi ah u bilaabo duulimaadyada xiliyada habeenkii.
C/raxmaan Diini, Hiiraan Online
[email protected]