Shariif Xassan ‘’ Qorshe ayaa socda Al-shabaab looga saarayo deegaannada Koonfur Galbeed
Jimco, October, 13, 2017 (HOL)- Madaxweynaha maamul gobolleedka Koonfur
Galbeed Shariif Xasan Sheekh Aadan ayaa sheegay in ay wadaan qorshe ay iska
kaashanayan dowladda dhexe, Koonfur Galbeed, AMISOM oo ku saabsan sidii
Al-shabaab looga saari lahaa guud ahaan dalka gaar ahaan deegaannada uu ka
arimiyo maamulka Koonfur Galbeed.
Ciidamada dowladda federaaka iyo kuwa maamulka Koonfur galbeed iyo AMISOM
ayuu sheegay Shariif Xassan ay diyaarinayaan qorashayaal ku aadan sidii
Al-shabaab ay dalka uga saari lahaayeen.
Shariif Xasan ayaa sidoo kale sheegay madaxdii maamul Goboleedyada ee isugu
tagtay magaalada Kismaayo in ay isla garteen sidii dagaal mideysan loola geli
lahaa Shabaab.
Mar uu soo hadal qaaday howlgalka AMISOM, wuxuuna sheegay in aan weli la
gaarin xilligii AMISOM ay dalka ka bixi lahaayeen, maadaama weli uu dhiman
yahay dib u dhiska ciidanka xoogga dalka.
Dedgaanada u dhaxeeya magaalada Muqdisho iyo Baydhabo ayaa waxaa la sheegaa
in ay ku sugan yihiin xubno ka tirsan ururka Al-shabaab oo inta badan wadada u
gala Gaadiidka Dowladda iyo kuwa Koonfur Galbeed.
C/raxmaan Diini, Hiiraan Online
[email protected]
