Ciidamada xasilinta oo howlgal ballaaran ka sameeyay duleedka magaalada Muqdisho
Khamiis, October, 12, 2017 (HOL) – Ciidamada ammaanka gaar ahaan kuwa
xasilinta ayaa xalay Howlgal gaar ah waxaa ay ka sameeyeen xaafaddaha ku
teedsan wadada u dhaxeysa Muqdisho iyo Afgooye.
Ciidamada oo Howlgalkooda uu qaatay saacado badan ayaa waxa ay si gaar ah
uga wadeen agagaarka Tabeelaha Sheekh Ibraahim, halkaasi oo habeen ka hor lagu
dilay Cabdi Nuunow Aadan oo ahaa nin ka tirsanaa Ergadii magaalada Baydhabo ku
soo dooratay xildhibaanada Baarlamaanka Federaalka.
Dadka xaafaddaha howlgalkan laga sameeyay ayaa sheegay in ay ka war heleen
ciidamado aad u hubeysan oo bilaabay howlgal guri-guri ah iyo baaritanno
xoogan.
Sarkaal ka tirsan ciidamada dowladda oo qeyb ka ahaa howlgalka ayaa
warbaahinta u sheegay in ciidamada ay gudaha u galeen guryo bartilmaameyd ahaa,
waxaana lagu soo qab qabtay dhalinayaro fara badan.
Howlgaladan ayuu sarkaaku sheegy in ay qeyb ka yihiin tallaabooyinka lagu
sugayo amniga dhinaca kalana looga hortago kooxaha dilalka geysta.
C/raxmaan Diini, Hiiraan Online
[email protected]
