Cabdi Warsame iyo Musharaxiin kale oo Soomaali ah oo xalay kuraas ku guulaystay (Sawiro & Video)
Arbaco, November, 08, 2017 (HOL) – Natiijada
doorashadii gobalka Minneasota oo shalay loo dareeray ayaa waxaa ka qaybgalay Sagaal
musharax oo Soomaali ah, waxaana guulaystay sadax ka mida Tartamayaashaa Soomaaliyeed.
Musharaxiinta
guuleysatay ayaa kala ah, Cabdi Warsame oo xajistay kursigii golaha deegaanka
ee magaalada Minneapolis oo uu hore ugu fadhiyay, Fartuun Axmed oo ku
guuleysatay inay ka mid noqoto Guddiga Waxbarashada ee magaalada Hopkins oo ku
taala duleedka magaalada Minneapolis, iyo Cabdulqaadir Xasan AK oo ku
guuleystay inuu ka mid noqdo guddiga maamula garoomada lagu ciyaaro iyo goobaha
nasashada ee magaalada Minneapolis.
Mursharaxa
Cabdi Warsame ayaa ka guuleystay Maxamuud Nuur oo ay xisbiga dimuquraadiga ka
wada tirsanaayeen iyo Faadumo Yusuf oo matalaeysay xisbiga Jamhuuriga. Cabdi
Warsame ayaa helay 3603 cod halka Maxamuud Nuur codadka uu helay ay noqdeen
3370 cod.
Doorashada
Cabdi Warsame iyo Maxmaud Nuur ayaa aheed mid aad loo hadal hayey,Maxamud ayaa
loolankiisa aad u adkeeyay bilahii danbe iyagoo warbaahinta isku adeegsan jiray
hadalo aad u adag, dhanka Maxamud oo ay
taageerayaan Xildhibaano aqalka Gobolka looga taliyo ay Cabdi ku eedeeyeen inuu
ka soo horjeedo guursiga dadka isku jinsiga ah,inuu sharciyo badan ugu hiiliyey
dadkiisa.
Maxamud
Nuur ayaa waxaa ka biyo diiday guusha Abdi waxaana qoraal uu u gudbiyay
taageerayaashiisa uu ku sheegay inaan laga guuleysan, isla markaana ay u
dagaalami doonaan sidii lagu hubin lahaa in cod kasta la tiriyey uu sax ahaa. noor
ayaa qoraal ku sheegay sidaa.
Soomaalida
guulaha gaaray waxaa ka mid ahaa Cabdulqaadir Xasan AK oo ah wiil dhalinyaro ah
oo muddo ka shaqeynayay arrimaha siyaadda ee gobalka Minnesota,
Cabdulqaadir ayaa ka guuleystay Cabdi Gurxan oo ay u wada tartameen Xubin
ka tirsan guddiga maamula garoomada iyo goobaha lagu nasto ee magaalada
Minneapolis.
Fartuun
Axmed ayaa ka mid aheyd Soomaalidii xalay guulaha gaartay kana mid noqotay guddiga
Waxbarashada ee magaalada Hopkins .
Waxaa
Iyaguna gobolka Washington ka sharaxnaa sadax Soomaali American ah waxaana
guushu raacday mid qura ,waxayna xalay magaaladda Tukwila heleen xubin golaha
deegaanka Zak Idan wiilka lagu magacabo oo noqonaya Soomaaligii ugu horeeyay ee xilka qabta magaaladaas.
siyad said salah
Hiiraan Online
MPLS,MN
