Talaado, November, 07, 2017 (HOL) - Dowladda Sacuudiga dul dhigtay madaxa hogaamiyaha Xuutiyiinta Yemen, C/Maalik Al-Xuuti iyo 40
Sarkaal oo la shaqeysa, isagoo sidoo kale dul dhigay madaxooda lacag gaareysa
30 Million oo dollar.
Sidoo kale liiska waxaa ku jira oo qeyb ka ah madaxa gollaha siyaasadda
Xuutiyiinta, Saalax Al-samad iyo Gacan-Yarayaal kale oo kooxdaas ka tirsan
Lacagta ayaa la sheegay in uu muteysan doono qof kasta oo keena Warbixin horseedi karta in la
soo xiro ama la qabto hogaamiyhaa Xuutiyiinta iyo Saraakiisha kale ee liiska
kula jira.
Balanqaadka Sacuudiga ayaa yimid kaddib markii la burburiyey Gantaal ay
Maleeshiyadda Xuutiyiinta la beegsadeen Garoonka Dayuuradaha King Khalid oo ku
yaalla caasimadda Sacuudiga ee Riyadh dhowr habeen ka hor.
Gantaalkaasi kaddib dayuuradaha Isbahaysiga Sacuudiga ayaa qaaday weerar is
daba joog ah oo lala eegtay xarumaha Xuutiyiinta ku leeyihiin caasimadda dalka
Yemen ee Sanca iyo magaaladda Sacda oo ah halka la sheegay in Gantaal laga
tuuray.
Goobaha la duqeeyey waxaa ka mid ah Dhismaha Wasaaradaha Gaashaandhiga,
arrimaha gudaha iyo golaha amniga Qaranka ee Xuutiyiinta, lamana oga illaa
hadda khasaaraha ka dhashay.
C/raxmaan Diini, Hiiraan Online
[email protected]