Isniin, November, 06, 2017 (HOL) –Madaxweynayaasha dowlad gobolleedka qeybta
ka ah dowladda federaalka oo maalmihii ugu danbeeyayba ku sugnaa magaalada Muqdisho ayaa maanta
hortagay mudanayaasha Aqalka sare.
Ugu horayn waxaa halkaasi warbixin ku aadan waxyaabaha u qabsoomay Aqalka
sare iyo shaqadooda waxay tahay ka soo jeediyay Abshir Maxamed Axmed guddoomiye Koowaad ee
gollaha Aqalka sare.
Madaxweyneyaasha dowlad goboleedyada Cabdi Wali Maxamed Cali Gaas, Maxamed
Cabdi Waare, Shariif Xasan Shiikh Aadan, Axmed Maxamed Islaam iyo Axmed Ducaale
Geelle Xaaf ayaa sheegay in Aqalka Sare ay matalaan dowladaha xubnaha ka ah dowladda
Federaalka, iyaga halkaas ka jeediyay
Khudbado ay kaga hadlayaan xaalada dalka iyo in loo midoobo dagaalka Al shabaab
iyo sidii hormar balaaran loo gaari lahaa .
Waa markii ugu horaysay ee Madaxweyneyaasha dowlad goboleedyada xubinta ka
ah dowlada Soomaaliya ay hortagaan kulana la qaataan mudanayaasha aqalka sare
ee baarlamaanka Soomaaliya.
Madaxweynayaasha dowlad gobolleedyada ayaa maalintii shalay waxaa magaalada
Muqdisho ugu soo dhamaaday shir ay la lahaayeen madaxda dowladda federaalka oo
looga wada hadlayay xiriirka ka dhaxeeya dhameynta khilaaf waayadii ugu
danbeeyayba taagnaa, waxaana ay wada jir u soo saareen war-murtiyeed lagu
qeexay qodobada lagu heshiiyay.
C/raxmaan Diini, Hiiraan Online
[email protected]