Isniin, November, 06, 2017 (HOL)- Taliska ciidamada xoogga dalka Soomaaliyeed oo
saaacadihii ugu danbeeyay howlgal ka sameeyay deegaanno hoostaga gobollada
Shabeellaha Hoose iyo Shabeellaha dhexe ayaa oo bandhigay rag u badnaa
dhalinyarro oo ku eedeysan in ay ka tirsanaayeen Al-shabaab.
Ragga la soo bandhigay oo ay ciidamadu soo qabteen oo gaarayay 15 ruux ayaa
ku eedeysan in ay ka tirsanaayeen Ururka Al-shabaab, waxaana lagu qabtay sida
ay sheegeen saraakiisha howlgalo laga
fuliyey deegaannada Daniga Baalow, Basra, Jambaluul, Buulo Barwaaqo iyo
Beerta Shariif Cabdi Naasir.
Saraakiil ka tirsan ciidamada xoogga dalka Soomaaliya ayaa sheegay in
howlgalkan uu ahaa mid qorsheysan ayna hogaaminayeen saraakiisha ciidamada
Xoogga dalka iyo kuwo Mareykan ah.
Marka laga soot ago sheegashada saraakiisha ciidamada dowladda Soomaaliya ma
jirto cid kale oo madaxbanaan oo xaqiijin karta in dadka la soo bandhigay ka
tirsanaayeen Al-shabaab iyo in kale.
C/raxmaan Diini, Hiiraan Online
[email protected]