3/28/2024
Today from Hiiraan Online:  _
Wararka Maanta- Isniin, Nov 6 , 2017
Wasiir ka tirsan xukuumadda Somaliland oo sheegay in uu xilka iska casilay

 

Isniin, November, 06, 2017 (HOL) – Wasiirkii shaqadda iyo arrimaha Bulshadda Somaliland Maxamed Cabdilaahi Obsiiye, ayaa iska casilay xilkii wasiirnimo iyo xubinimaddii golaha dhexe ee uu xisbiga KULMIYE ka ahaa, waxaanu ku sababeeyey is casiladaasi in aanu doonayn in codka deegaannkiisu ku dhicin meel aan ku haboonayn.

“Waxaan u sheegayaa cid kasta inaan si buuxda uga baxay oo aan iska casilay guddida ololaha xisbiga kulmiye ee gobolka Awdal ka dib markii aan arkay ama ay ii cadaatay in hawshaas majaraheedii la lumiyey, qof kaliyana ay gacanta u gashay, cid qabata oo tubtii ku soo celisana la waayey, waxa kale oo aan cadaynayaa inaan gabi ahaanba ka baxay xisbiga Kulmiye ka dib markii aan ogaaday ama ay ii cadaatay in codka shacabka deegaanka aan ka soo jeedo uu ku dhacayo meel aan abaal iska daaye mahadsanidu ku adag tahay.”ayuu yidhi Obsiiye wasiirkii hore ee shaqadda iyo arrimaha bulshadda.

Mar uu ka hadlayey iscasilaadiisa golaha wasiiradda waxa uu yidhi “Ma jirto waxa ceeb ah oo aan ka sheegayo xukuumada iyo madaxweynaha si wanaagsan ayaanu u soo wada shaqaynay, si wax ku ool ah ayaanu u soo wada shaqaynay si nadiif ah ayaanu soo wada shaqaynay, waxaanan cadaynayaa inaan xilkaas laftirkiisa dhigay oo aan ka tagay, arimo dhawr ah oo iiga soo baxay xisbul xaakimka kulmiye ee ay xukuumadu ka soo jeedo, kuwaas oo aan faah faahin doono dhawaan, xukuumada iyo madaxweynaha xilka ii magacaabayna waan u mahad celinayaa istiqaaladaydana sifo maamul ahaan ayaan ilaa bari ugu gudbin doonaa.”

Wasiirkan iscasilay ayaa isku deegaan ka soo wada jeedaan musharaxa madaxweyne ku xigeenka xisbiga WADANI Maxamed Cali,taas oo la doonayo in codka deegaanka musharaxa la mideeyo si aanay u qaybsamin, waana sababta keentay iscasilaadda wasiirka.

Sidoo kale, waxa maalmaha dhow la filayaa in masuuliyiin kale oo isku deegaan yihiin musharaxa madaxweynaha ee xisbiga WADANI iyaguna xukuumadda iska casilaan, taas oo inta badan iska dhacda mar walba oo doorashaddu soo dhowaato in masuuliyiinta ay isku deegaanka yihiin musharaxa madaxweynaha ama ku xigeenka is casilaan si aanay u kala dhantaalin codadka deegaankooda oo meel kaliya iskugu yimaaddo.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
11/6/2017 1:18 PM EST
Isniin, November, 06, 2017 (HOL)- Taliyaha Ciidamada ilaalada Xeebaha Puntland Cabdirsaaq Diiriye Faarax oo maanta la hadlay warbaahinta ayaa beeniyay wararka sheegaya in askari ka tirsan ciidamada bad-da uu ka danbeeyay kufsi loo gaystay gabar Soomaaliyeed oo 17-sano jir ah.

11/6/2017 9:12 AM EST
Isniin, November 06, 2017 (HOL)- Ololaha xisbiyadda Somaliland ayaa maraya wareegii lixaad ee isku soo baxa uu xisbi walba maalin gaar ah leeyahay, taas oo noqonaysa wareegyadii u dambeeyey.

11/6/2017 6:57 AM EST
Isniin, November, 06, 2017 (HOL) –Madaxweynayaasha dowlad gobolleedka qeybta ka ah dowladda federaalka oo maalmihii ugu danbeeyayba ku sugnaa magaalada Muqdisho ayaa maanta hortagay mudanayaasha Aqalka sare.

11/6/2017 5:28 AM EST
Isniin, November, 06, 2017 (HOL) - Wararka ka imanaya degmad Bu’aale gobolka Jubbada dhexe ayaa sheegaya in maanta halkaa Al-shabaab ku toogteen Afar nin oo ay ku eedeeyeen in ay Basaas u ahaayeen ciidamada dowladda iyo kuwa Itoobiya.

11/6/2017 5:15 AM EST
Isniin, November, 06, 2017 (HOL) - Amiir Mansuur Bin Maqran oo ahaa ku xigeenka Amiirka mandiqada Casiir ayaa ku geeriyooday shil Diyaarad oo nooca hilokobtarka ah, waxayna ku burburtay Konfurta Sacuudiga oo dhacda Xuduuda sacuudigu la leeyahay dalka Yeman.

11/6/2017 3:18 AM EST
Isniin, November, 06, 2017 (HOL) - Iyadoo dhawaan Puntland uga digtay Soomaaliland in Sanaadiiqda codeynta la geeyo deegaanno qaar oo Puntland ay isku hayaan Soomaaliland, ayaa waxaa arintaan ka jawaabay wasiirka Amniga Soomaaliland Maxamed Muuse Diiriye.

11/6/2017 2:55 AM EST
Isniin, November, 06, 2017 (HOL)- Taliska ciidamada xoogga dalka Soomaaliyeed oo saaacadihii ugu danbeeyay howlgal ka sameeyay deegaanno hoostaga gobollada Shabeellaha Hoose iyo Shabeellaha dhexe ayaa oo bandhigay rag u badnaa dhalinyarro oo ku eedeysan in ay ka tirsanaayeen Al-shabaab.

11/6/2017 1:24 AM EST
Isniin, November, 06, 2017 (HOL) – Mas'uuliyiinta gobolka Texas ee dalka Mareykanka ayaa sheegay in labaatan iyo lix qof lagu dilay kaniisad ku taala magaalada Sutherland Springs ee gobolkaasi, kadib markii uu rasaas ku furay nin hubeysan. Wararku waxaa ay sheegayaan in shan iyo labaatan qof oo kale ay ku ku dhaawacmeen weerarka.

11/6/2017 1:17 AM EST
Isniin, November, 06, 2017 (HOL) – Maxakamad hoostagta maamul gobolleedka Galmudug oo ku taalla magaalada Gaalkacyo ayaa xukun ku ku riday Kalluumeysato u dhashay dalka Yemen, kuwaasi oo lagu eedeeyey in ay si sharci daro ah uga kalluumeysanayay.

11/6/2017 12:45 AM EST
Isniin, November, 06, 2017 (HOL) – Abaanduulaha ciidamada xoogga dalka Soomaaliya General C/laahi Cali Caanood ayaa faah faahin ka bixiyay howlgalo ciidamada dowladda ay kula wareegeen deegaanno ay horay gacanta ugu hayeen Al-shabaab.

11/6/2017 12:31 AM EST
Isniin, November, 06, 2017 (HOL) – Madaxweynaha dowlad gobolleedka Puntland Cabdwali Maxamed Cali Gaas ayaa faah faahin dheeraad ah ka bixiyay duqeyn lala eegtay Koox ka tirsan Ururka Daacish oo ka dagaalama deegaannada Puntland