Isniin, November, 06, 2017 (HOL) – Madaxweynaha dowlad gobolleedka Puntland
Cabdwali Maxamed Cali Gaas ayaa faah
faahin dheeraad ah ka bixiyay duqeyn lala eegtay Koox ka tirsan Ururka Daacish
oo ka dagaalama deegaannada Puntland
Cabdiwali Gaas ayaa sheegay hay’adaha
ammaanka maamulka Puntland in ay xaqiijiyeen weerarkan in lala beegsaday
hoggaamiyaha kooxda Daacish C/qaadir Sheekh Cali Muumin, balse uu ka badbaaday.
Madaxweynaha Puntland ayaa intaa ku darray in ay dhinacooda soo dhaweynayaan
beegsiga lagu hayo kooxda Daacish, isaga oo sidoo kale tilmaamay Daacish in ay
yihiin cadowga ummadda Soomaaliyeed.
Sidoo kale Madaxweynaha Puntland ayaa sheegay in laga guuleysan karo kooxda
Daacish iyo ururka Al-shabaab, hadii shacabka Soomaaliyeed ay hal arragti ka
noqdaan dagaalka lagula jiro dhinacyadan, taageerana u fidiyaan Ciidamada
xoogga dalka.
Ururka Daacish ayaa sheegtay weeraro dhowr ah oo ka dhacay magaalada
Boosaaso oo Puntland ay ka taliso, waxaana duqeyntan ay u muuqataa mid jawaab u
ah weeraradaasi.
C/raxmaan Diini, Hiiraan Online
[email protected]