Axad, November, 05, 2017 (HOL) – Ciidamo
ka tirsan militariga Soomaaliya ayaa
bilaabay howlgalo ay Al -shabaab uga saarayaan deegaan ka tirsan gobolka
Shabeellaha Hoose iyo Shabeellaha dhexe.
Howlgal ay ciidamada militariga sameeyeen saacadihii la soo dhaafay ayeey
kala wareegeen Al shabaab deegaanno ay
gacanta ku hayeen.
Abaanduulaha ciidamada xoogga dalka dalka Soomaaliya General C/llaahi Cali
Caanod, ayaa sheegay ciidamada xoogga dalka in ay la wareegeen deegaanno ay
maamulayeen dagaalyahanada Al Shabaab.
Waxaa uu sheegay Abaanuulaha ciidamada xoogga dalka Soomaaliyeed in ay la
wareegeen deegaanada Basra ,Daniga Baalow iyoTuulooyin kale oo muhiim ah oo u
dhaxeeya Shabeellaha Hoose iyo Shabeelaha Dhaxe.
Ciidamada militariga Soomaaliya ayaa
xiligan wada dhaq dhaqaaq ciidan oo aad u xoogan, waxa ayna Ciidanka dowlada
iyo kuwa AMISOM isku diyaarinayaan duulaan ay ku qaadaan deegaano hor leh ay
maamulaan Al Shabaab.
C/raxmaan Diini, Hiiraan Online
[email protected]
