Francisco Madeira ‘’ Waxaan qaadeynaa tallaabooyin cusub oo la xiriira Amniga Soomaaliya
Axad, November, 05, 2017 (HOL) -- Taliska ciidamada AMISOM ayaa sheeegay inay qaadayaan tallaabooyin dib u habayn ah oo la jaanqaadaya Qorshayaasha la xiriira xaqiijinta Amniga guud ahaan dalka Soomaaliya.
Tallaabooyinkan ayaa lagu tilmaamay inay yihiin kuwa is daba-joog ah oo
loogu talagalay qaabka ay u howl-galaan ciidmada AMISOM.
Wakiilka gaar ah ee midowga Africa Danjire Francisco Madeira ayaa sheegay in qorshahan uu la jaanqaadayo
dhaqdhaqaaqa ciidamada milatariga Itoobiya ee hadda la arkay iyagoo ka gudbaya
xadka Soomaaliya.
Madax hawlgalka AMISOM ayaa sheegay in ay toddobaadyada soo socda ay sii
wadi doonaan dhaqdhaqaaqa istiraatiijiga ah, kaasi oo aan carqaladeynayn doonin
bixinta adeegyada nabad-gelyada ee jira, si loo xaqiijiyo ammaanka dadka Soomaaliyeed.
Qaraarka golaha amniga ee Qaramada Midoobay ee 2372 (2017) wuxuu ku
baaqayaa in xaalad ku saleysan si tartiib tartiib ah, looga saaro ciidamada
AMISOM ee Soomaaliya, kaddib tababar xoog ah iyo wacyi-gelin siinta ciidamada
ammaanka Qaranka Soomaaliya.
Maalintii shalay waxaa magaaalada Muqdisho ka dhacay
kulan dhaxmaray madaxda dowladda federaalka iyo wakiilada wadamada ay ciidamada
ka joogaan Soomaaliya waxaana kulankaasi looga wada hadlayaan qorshayaal la
xiriira Amniga Soomaaliya iyo dagaalanka ka dhanka ah Al-shabaab.
C/raxmaan Diini, Hiiraan Online
[email protected]
