Danjiraha Soomaaliya ee Turkiga : Saldhigga militari ee Turkiga waxaa uu muhiim u yahay dhismaha dowladnimada
Sabti, November, 04, 2017 (HOL) - Safiirka Somaaliya ee Turkiga Jama Abdullahi Mohamedayaa Wareysi uu siiyay Wargeyska Daily Sabah ku
sheegay in Saldhiga millateri ee turkiga uu ka furay Muqdisho in uu bilow u
yahay dhismha Dowladnimada Soomaaliya
Waxaa uu sheegy in Saldhiggan uu ka qeyb qaadan doono dhismaha ciidamada
Qaranka Soomaaliya, isaga oo intaasi ku daray in waqtigaan uu muhiim u
yahay geedi socodka Dowladnimada ayna ku faraxsan yihiin Xaruntan.
Safiirka Soomaaliya ee Turkiga ayaa sheegay in iskaashiga labada dhinac uu
ku socda si dardar leh, waxaana uu tusaale usoo qaatay in Turkiga uu ahaa
dalkii ugu horeeyay ee taageero u fidiyay Soomaalida markii uu dhacay Qaraxii
14 bisha October ka dhacay Muqdisho.
“Waxaan kale oo aan la ilaawi karin marna booqashadii uu Racep Dayip
Ordogan uu ku tagay Muqdisho sanadkii 2011 markaasi oo ay dalka ka jirtay
macluul, waxaa ay ahayd booqasho aan caadi aheyn, waxa ayna meesha ka saartay fikradii
ahayd in aan la tagi karin Muqdisho, waxii markaasi ka dambeeyay waa la
booqanayaa Dalka” ayuu yiri Safiirka.
Xerada Tababarka Ciidamada waxaa ka soconayaa tababarka Kumaannaan ka
tirsan ciidamada Soomaaliya oo ay ka mid yihiin kuwa loogu talagalay difaaca
Qaranka Soomaaliya,Xeradan Turkiga uu ka furay Muqdisho waxaa lagu tiriyaa
Xaruntii ugu weyned ee uu ka dhiso meel ka baxsan dalkiisa.
Marka laga soot ago Saldhiga Turkiga waxaa uu Soomaaliya ka fuliyay
mashaariic horumarineed oo ay ka mid yihiin hirgalinta Goobo Waxbarasho, Dhismaha
Waddooyinka iyo Xarumo Caafimaad.
C/raxmaan Diini, Hiiraan Online
[email protected]
