Khamiis, November, 02, 2017 (HOL) – Wasiirka Dekeddaha ee dowlad gobolleedka
Puntland Saciid Maxamed Raage oo la hadlay warbaahinta degaanada maamulkaasi
ayaa faah faahin ka bixiyay khilaafka cirka isku sii shareeray ee u dhaxeeya
ganacsatada Boosaaso iyo Shirkadda DP-world.
Wasiirka ayaa sheegay in ay muhiim tahay in la dejiyo xiisada, maadaama uu
tilmaamay heshiiska lala galay DP-world in uu yahay mid sharci ah oo soo maray
dhammaan hay’addaha Puntland.
Ugu yaraan labo ruux ayaa la xaqiijiiyay in ay ku dhinteen dibad baxa, halka
kuwo kalena ku dhaawacmeen,waxaa sidoo kale burbur la gaarsiiyay goobo ganacsi.
Dekedda Boosaaso ayaa muddo todobaad Albaabada u laaban, kaddib markii ay la
wareegtay Todobaadyo ka hor shirkadda DP World ee laga leeyahay Imaaraadka
Carabta.
Shirkaddan ayaa dayactir iyo ballaarin ku sameyn doonta Dekeda Boosaaso,
waxaana tallaabada Maamulka Puntland uu ugu wareejiyay ka soo hor-jeestay
qeybaha kala duwan ee bulshada.
C/raxmaan Diini,
Hiiraan Online
[email protected]
