Adeegii baraha bulshada oo laga jaray Soomaaliland sababo la xiriira shaacinta natiijada doorashada
Talaado, November, 14, 2017 (HOL) – Soomaaliland
guud waxaa hawada laga saaray adeegyada Internetka oo ay bulshadu
isticmaalaan sida Facebook,Twitter,Viber,Imo iyo qaar kale kadib markii ay soo
dhamaatay doorashada maanta ay u dareereen shacabka Somaliland.
Shirkadaha bixiya adeegyada Internetka sida Telesom, Somtel iyo Somcable
ayaa Aqbalay codsi uga yimid guddiga doorashada Soomaaliland.
Ka saarista hawada Baraha Bulshada ayaa timid kaddib markii la soo xirey inta
badan goobaha codbixinta oo ay dhamaatay doorashadii maanta ay u
dareereen shacabka ku nool deegaanada Somaliland maamusho.
Waxaa socta tirintii codadka doorashada iyadoo maalmaha
soo socda lagu wado in guddiga doorashadu shaaciyaan natiijada kama danbeysta ah.
Guddiga doorashada ayaa gelinkii dambe ee maanta shaaciyay in si ammaana ah
ay doorashadii ku dhacday.
C/raxmaan Diini, Hiiraan Online
[email protected]