Dowladda Mareykanka oo sheegtay in khasaare lagu gaarsiiyay Al-shabaab duqeyn cirka ah
Axad, November, 12, 2017 (HOL) – Dowladda Mareykanka ayaa sheegtay khasaare ballaaran lagu gaarsiiyay Al-shabaab weeraro is daba joog
ah iyo duqeyn ka dhacday gobollada Baay iyo Shabeellaha Dhexe.
Samantha Reho oo ah Afhayeen u hadashay taliska Mareykanka ayaa sheegtay weerararo
dhacay Sabtidii iyo Jimicihii lala beegsaday xubno muhiim oo ka tirsan
Al-Shabaab.
Waxaa ay sheegtay in howlgalladii ka dhacay gobolada Baay iyo Shabeelaha Shexe
Al-Shabaab lagu gaarsiiyay Khasaare ballaaran, islamarkaana la beegsaday goobo
ay ku shirsanaayeen.
“Howlgallo dhacay 24-kii saac ee lasoo dhaafay waxaan ku dilnay ku
dhawaad Boqol dagaallamayaal ka tirsan Al-shabaab’’ ayaa lagu sheegay war
ka soo baxay Mareykanka.
Dowladda Soomaaliya ayaa shalay sheegtay in howlgal ay ciidamadeeda Amnigu
ay sameeyeen lagu dilay xubno ka tirsan Ururka Al-shabaab, sidoo kalena lagu
burburiya xero ay al-Shabaab ku leeyihiin degmada Jilib ee gobolka Jubbada
Dhexe.
Wasiirka warfaafinta ee dowladda Soomaaliya Cabdriaxmaan Yariisow ayaa ayaa
sheegay in Weerar qorshaysan oo hay’adaha amniga ay ka fuliyeen degmada Jilib
gaar ahaan xarunta qaraxyada lagu dilay 81, isla markaana lagu burburiyay tiro
baabuurta dagaalka iyo waliba hubka culus.
C/raxmaan Diini, Hiiraan Online
[email protected]
