Jimco, November, 10, 2017 (HOL) – Golaha guud ee Qaramada Midoobay ayaa mar
kale u doortay in uu ka mid ahaado garsoorka guud ee mxkamadda dembiyada caalamiga
ee ICC.
Garsoore Cabdulqawi Axmed Yuusuf oo maxkamaddaasi garsoore kasoo ahaa
Sagaalkii Sano ee lasoo dhaafay, ayaa dib loogu doortay in uu ka mid noqdo
15-ka Garsoore ee maxkamadda .
Abuukar Daahir Cusmaan safiirka Soomaaliya u fadhiya QM ayaa sheegay in uu
Garsoore Cabdiqawi ku guuleystay cod Aqlabiyad ah, iyadoo ay aad u bogaadiyeen
dhammaan wakiillada 193-da waddan ee ka qayb gallay doorashadai.
Garsoore Cabdulqawi horay u soo ahaa guddoomiye ku xigeen,waxaana lagu wadaa
in horraanta 2018-ka uu noqdo guddoomiye sida uu sheegay Amb, Abuukar Cusmaan.
Maxkamadda dembiyada caalamiga ee uu fadhigeedu yahay magaalada Hague ee dalka
Netherland ayaa gacanta ku haysa kiiska Muranka
Badda ee u dhexeeya Soomaaliya iyo Kenya.
C/raxmaan Diini, Hiiraan Online
[email protected]
