3/29/2024
Today from Hiiraan Online:  _
Wararka Maanta- Arbaco, Nov 1 , 2017
Madaxweyne Farmaajo oo la kulmay madaxweyne ku-xigeenka iyo guddoomiyaha baarlamaanka Galmudug

 

Arbaco, November, 01, 2017 (HOL) – Madaxweynaha dowladda federaalka Soomaaliya  Maxamed C/llaahi Farmaajo ayaa xarunta madaxtooyada kulan kula qaatay madaxweyne ku -xigeenka iyo guddoomiyaha baarlamaanka Galmudug Maxamed Xaashi Carabey iyo Cali Gacal Casir iyo guddoomiye ku-xigeenka labaad.

Kulankan ayaa ahaa mid looga hadlayay xal u helida khilaafka Galmudug, iyadoo madaxweyne Farmaajo uu bilaabo waan waan uu ka dhex wado Madaxda Galmudug ee uu khilaafka u dhaxeeyo.

Kulanka ayaa la sheegay in uu hordhac u yahay kulan guud oo la faliyo in uu dhaxmaro madaxda maamulka Galmudug ee Khaliifku u dhaxeeyo.

Madaxweyne Farmaajo ayaa maalmo ka hor mas’uuliyiintan ugu yeeray inay yimaadaan magaalada Muqdisho, si wadatashi loola yeesho, islamarkaana loo xaliyo khilaafka ka jira Galmudug.

Khilaafka ka dhex bilowday maamulka Galmudug ayaa ka dhashay go’aankii madaxweynaha Galmudug Axmed Ducaale Geelle Xaaf uu ku taageeray isbaheysiga Sacuudiga iyo Imaaraadka, waxaana go’aankaas ka hor-yimid madaxweyne ku-xigeenka iyo guddoomiyaha baarlamaanka Galmudug.

C/raxmaan Diini, Hiiraan Online
[email protected]













Click here
11/1/2017 3:32 PM EST
Booliska waddanka Australia ayaa baaritaan kaddib helay oo aqoonsaday maydka gabar Soomaaliyeed oo aheyd kalkaaliso caafimaad taas oo tan iyo Sabtidii ay qoyskeeda La'aayeen.

11/1/2017 2:17 PM EST
Arbaco, November, 01, 2017 (HOL)- Hay’adda SOYDEN iyo Conflict Dynamics International (CDI) oo gacan ka haleya midowga Yurub ayaa tababar lagu bartay Nabada iyo Xalinta khilaafaadka waxaa ay u soo gabagabeeyeen dad ka kala socday qeybaha bulshada ku dhaqan degmooyinka Deyniile, Dherkeenley, Hodan iyo Howl-wadaag.

11/1/2017 10:12 AM EST
Arbaco, November, 01, 2017 (HOL) –Dowladda Imaaraadka Carabta ayaa ku wareejiysay dowladda Soomaaliya 311 askari oo ay tababar saddex bilood ah ugu soo gabagabeeyeen magaaalada Muqdisho.

11/1/2017 6:25 AM EST
Arbaco, November, 01, 2017 (HOL) –Inta la hubo hal qof oo shacab ah ayaa ku geeriyooday dibad baxyo rabshada wata oo maanta galinkii hore ka dhacay qaybo badan oo kamid ah magaalada ganacsiga Puntland ee Bosaaso.

11/1/2017 5:46 AM EST
Arbaco, November, 01, 2017 (HOL) –Kulan wayn oo ay isugu yimaadeen Dhalinyaradda kala duwan ee degmooyinka Magaalada Moqdishu ayaa lagu lafa guray cidda qaadanaysa mas’uuliyadda xasuuqyadda is xigxiga ee shacabka degan magaaladda Moqdishu ku habsaday.

11/1/2017 5:34 AM EST
Arbaco, November, 01, 2017 (HOL)–Wararka naga soo gaaraya gobolka Shabeellaha hoose ayaa sheegaya ciidamada dowladda la wareegeen deegaanno ay horay u maamulayaan Al-shabaab.

11/1/2017 2:35 AM EST
Arbaco, November 01, 2017 (HOL)- Guddida Wanaag farista iyo Xumaan reebista ee Somaliland, ayaa baaq ku aadan habsami u socodka ololaha doorashadda madaxtooyadda ee saddexda Xisbi ee Kulmiye, UCID iyo Waddani ay ku hirdamayaan taladda dalka ugu baaqay in laga dheeraado wax kasta oo amniga iyo dhaqanka Suuban ee Somaliland waxyeelaaya in laga fogaado inta ay doorashaddu socoto.

11/1/2017 2:26 AM EST
Arbaco, November, 01, 2017 (HOL) – Nin watay gaari kuwa xamuulka ah ayaa xalay dad badan ku dilay waddo aad mashquul u ah oo ku taalla magaalada New York ee dalka Mareykanka, kadib markii uu jiirsiiyay gaarigii uu watay.

11/1/2017 1:23 AM EST
Arbaco, November, 01, 2017 (HOL) – Guddiga difaaca baarlamaanka federaalka Soomaaliya ayaa waxa ay sheegeen in xildhibaanada golaha shacabka ay si deg deg ah ku horgeyn doonaan sharciga la dagaalanka argagixisada.

11/1/2017 12:04 AM EST
Arbaco, November, 01, 2017 (HOL) – Inta la xaqiijinayo 8 ruux ayaa lagu dilay tiro kale oo intaa ka badanna dhaawacyo kala duwan ayaa ka soo gaaray, kaddib marki uu nin waday gaari kuwa xamuulka ah uu jiirsiiyay dad ku dhax socday waddo aad mashquul u ah oo ku taalla magaalada New York ee dalka Mareykanka.