Arbaco, November, 01, 2017 (HOL) – Guddiga
difaaca baarlamaanka federaalka Soomaaliya ayaa waxa ay sheegeen in
xildhibaanada golaha shacabka ay si deg deg ah ku horgeyn doonaan sharciga la
dagaalanka argagixisada.
Xildhibaan Sadiiq Warfaa oo ah Xoghayaha guddiga difaaca baarlamaanka
Federaalka ayaa sheegay in ay ka shaqeynayaan sidii xildhibaanada ay u horgeyn
lahaayeen sharciga la dagaalanka argagixisada, si awood dheeraad ah ay u helaan
laamaha amniga.
Wuxuu sheegay shacabka Soomaaliyeed in ay u baahan yihiin amni, wuxuuna
tilmaamay mar walba in aan loo baahneyn Tacsi iyo Baroordiiq, balse muhiim ay
tahay in lala yimaado qorshe midkaas ka duwan.
Sidoo kale Xildhibaan Sadiiq Warfaa ayaa sheegay xukuumadda gaar ahaan ra’iisul
w asaaraha Soomaaliya Xassan Cali Khayre in ay ka codsadeen hadii loo baahdo
lacag deg deg ah oo lagu dardar gelinayo amniga.
Maalin ka hor Muqdisho waxaa kulan ku yeeshay guddiyada difaaca iyo Amniga,
kadib markii Baarlamaanka ay u gudbiyeen Mooshin la xiriira xaalada amni ee
dalka, maadaama ay kordheen Qaraxyada ururka Al-shabaab ay ka geystaan
Muqdisho.
C/raxmaan Diini, Hiiraan Online
[email protected]