Arbaco, May, 03, 2017 (HOL) -- Waxaa goor dhaw si rasmi ah uga bilaabatay
xarunta dowlad gobolleedka Galmudug ee magaalada Cadaado doorashada
madaxweynihii labaad ee dowlad gobolleedka Galmudug oo ay ku tartamayan ilaa
saddex musharax.
Xarunta doorashada waxaa jooga oo codadkooda dhiibanaya 89 xildhibaab,
iyadoo gudiga doorashada ay halkaa ka akhriyeen hab raaca doorashada iyo
codadka ay ku kala baxayaan musharixiinta.
Mas’uuliyiin ka tirsan dowladda federaalka Soomaaliya oo uu horkacayo
wasiirka wasaarraada arrimaha gudaha Cabdi Faarax Juxa ayaa ku sugan goobta
doorashada, kuwaa oo la soconaya hadba sida ay wax u dhacayaan.
Saddexda musharax ee ku tartamaya doorashada ayaa kala ah Axmed Cali
Hiloowle, Prof C/qaadir Maxamed Shirwac iyo Axmed Ducaalle Geelle Xaaf oo la
filayo in midkoodu uu ku soo baxo xilka madaxweynaha dowlad gobolleedka
Galmudug.
Wixii ka soo kordha iyo natiijada doorashada waan idin soo gudbin doonnaa..
C/raxmaan Diini, Hiiraan Online
[email protected]
