Khamiis, May, 25, 2017 (HOL) – Dowladda Liibiya ayaa baareysa Ramadaan Abedi
oo ah Aabaha dhalay wiilkii qaraxa ka geystay goob bandhig fanneed ah oo ku
taalla magaalada Manchester halkaasoo ay ku dhinteen 22 ruux.
Sidoo kale ciidamada Liibiya ayaa xiray wiil ay walaalo ahaayeen Salman
Abedi, kaa oo la sheegay in uu la hadlay
wax yar uu ka hor walaalkii inta uusan qaraxa geysan.
Aabaha dhalay is qarxiyaha ayaa beeniyay in wiilkiisa uu xiriir la lahaa
kooxda Daacish, isaga oo sheegay in ay wada hadlleen maalmo uun ka hor waqtiga
uu falkan dhacay islamarkaana u sheegay
in wax walba caadi yihiin.
‘’Waxaan la hadlay shan maalmood ka hor, waxaa uu ii sheegay in wax walba
wanaagsan yihiin, ayuu yiri Ramadaan Abedi.
Ciidamada amaanka Britan ayaa sidoo kale xabsiga dhigay dad dhowr ah oo lagu
tuhmayo weerarkii lagu dilay 22-qof ee ka dhacay Manchester, waxaana dadka la
xiray ku jira haweeney ay ka shakiyeen ciidamada amaanka.
Kooxda Daacish ayaa sheegatay masuuliyada qaraxii ka dhacay magalaada Machester
ee lagu dilay 22-qof ay caruur ku jireen, waxaana weerarkasai fuliyay wiil
22-sano jir ah oo asalkiisu Liibiyaan yahay balse ku dhashay magaalada
Manchester.
C/raxmaan Diini, Hiiraan Online
[email protected]