Duqa Magaalada Minneapolis Betsy Hodges oo khudbadeedii sanadlaha aheed Masaajid dhexdiis ku qabatay (SAWIRO & VIDEO)
Arbaco, May, 24, 2017 (HOL) -Duqa
magaalada Minneapolis Betsy Hodges ayaa khudbadeedii ay sanadkiiba mar u
jeediso dadka dagan magaaladda Minneapolis ayeey sanadkaan u xulatay inay ka dhex jeediso Masaajid dhexdiisa, waxayna
shalay ka aqriday khudbadaas masaajidka
An- Nuur ee ku yaal waqooyiga magaaladda Minneapolis waana markii ugu horeysay ee khudbad ceynkaasiya laga jeediyo masaajid
ku yaalla gobalkan Minneapolis.
Bedsy
Hodges oo khubad dhinacyo badan taabaneysa jeedisay, ayaa xustay in magaalada
Minnespolis ay tahay magaalo cid walba guri u ah, muslimiintuna ay magaalada iftiin
ku soo kordhiyeen.Duqa Magaalada ayaa intaa ku dartay inay muslimiinta ku
taageersan tahay sida ay uga soo horjeedaan una dhaleeceeyaan fal-dambiyeed
kasta oo neceyb ku dhisan,
Shiikh
Cabdiraxmaan Shariif imaamka masaajidka Daarul-hijra oo ka qaybgalay
dhagaysiga khudbada ayaa bogaadiyey ,waxuuna ku tilmaamay inay farxad u tahay
Muslimiinta Minneapolis in ay marti galiyaan umadaha kala duwan oo dagan
magaaladda iyo madaxdoodii.
Duqa Magaaladda waxay ka
hadashay qodoba dhawra oo taabanayay Soomaalida Minneapolis haday noqoto xaga
guriyeenta iyo arimaha horemarinta bulshada, iyo waliba nabadgalyada ,waxayna xustay iyada iyo
Gudoomiyaha Dagmada 6aad ee Minneapolis Cabdi Warsame ay si wada jira u hirgaliyeen
xarun fursad abuuris iyo shaqo gayn ah ayna ka wada shaqeeynayeen labadii sano ee
la soo dhaafay.
Waxa kale oo ay aad ugu dheeraatay
siyaasada Madaxwayne Trump waxayna sheegtay in magaaladda Minneapolis ay ka soo
hor jeedo erayada kala qaybinta ah ee uu
ku hadlo mar walba ayna garab taagan yihiin muslimiinta dagan Minneapolis .
Siyad Cali Geele oo ka mida gudiga
Waxbarashada Minneapolis ayaa isaguna yiri waxay ay ka hadashay wax badan oo
bulshadeena dan ugu jirto xaga guriyeenta iyo nabadgalyadaba waana ku farxsanahay sida ay khudbadeeda masjid uga dhex qabato waxayna noo muujisay inay tahay hogaamiye wanaagsan .
Siyad Said Salah
Hiiraan Online
[email protected]
Minneapolis,Minnesota