Talaado, May, 02, 2017 (HOL) -Hay’adda Qaramada Midoobay u
qaabilsan carruurta ee UNICEF ayaa
magaalada Geneva ka soo saartay warbxin ay kaga hadlayso xaaladda nolaleed ee
waqtigan ay ku sugan yihiin carruurta Soomaaliya.
Warbixinta hay’adda ayaa lagu sheegay in carruur tiradoodu garayso 1.4
milyan ay iminka la ildarn yihiin, Gaajo iyo Abaar saamaysay sanadkan qeybo
badan oo ka mid ah gobolada dalka Soomaaliya, waxaana ay intaa ku dartay in ay
dhici karto dhibaatadaasi inay sii kororto 50% isla sanadkan gudihiisa.
Afhayeenka UNICEF oo saxaafadda la hadlayay ayaa intaa raaciyay in
dhibaatada cunta yarida haysata carruurta Soomaaliyeed ay u wehiliso cudurka
dilaaga ee Cholera oo la sheegy in uu ku faafay degaano badan oo dalka
Soomaaliya, ayna iminka la ildaran yihiin sida warbixinta lagu sheegay 275 kun
oo Caruur ah.
Hay’adda ayaa sidoo kale sheegtay in sanadkii tagay xalisay dhibaatada cunta
yarida haysata Caruurta Soomaaliya 88% , balse bilawgii sanadkan ay
sii korartay dhibatadaasi.
C/raxmaan Diini, Hiiraan Online
[email protected]