Al-shabaab oo la sheegay in ay dileen dagaalyahanno Kenyaan ah oo ka barbar dagaalamayay
Talaado, May, 02, 2017 (HOL) – Dowladda Kenya ayaa sheegtay in la dilay
dagaalyahano u dhashay dalkeeda oo ku biiray ururka Al Shabaab, kaddib markii Al-Shabaab
ay ka shakiyeen dagaalyahanadan.
Kenya waxaa ay sheegtay dagaalyahanadaasi ka tirsanaa Al-shabaab in ay isla
xoogag ka tirsan ururka, kadib markii
looga shakiyay in ay xiriir la leeyihiin dowladda Kenya.
Agaasimaha hawlgalka Linda Boni, James Ole Seriani ayaa hadalkaasi
ka sheegay shir jaraa’id oo uu ku qabtay magaaladda Laamu, wuxuuna tilmaamay in
dagaalamayaasha Kenyaanka ah looga shakiyay in ay basaasiin u yihiin dowladda
Kenya.
Waxaa uu ku dooday in ay jiraan tiro badan oo Kenyaan ah oo laga qoray
qaybo ka mid ah dalka, oo ay ku jirto Laamu kuwaa ku biireen Al-shabaab, laakiin ugu danbeyntii la dilay.
“Waxaan haynaa warbixino sheegaya in ugu yaraan 6 dhallinyaro Kenyan ku biiray
Al-Shabaab lagu dilay gudaha Soomaaliya muddadii u dhaxeysay bilihii March iyo
April oo kaliya.” ayuu yiri agaasimaha howlgalka Linda Boni.
Al Shabaab ayaa dhawr horer toogasho ku dilay rag ajaanib ah oo u dhashay
dalalka Kenya iyo Tanzania, kuwaa oo uga shakiyeen in ay u basaasaan dowladaha
reer galbeedka.
Ma’aha markii ugu horeysay oo Al-shabaab sidan oo kale loogu eedeeyo in ay
khaarajiyaan dagaalamayaasha ajaanibta ah ee ka tirsan ururka, iyaga oo uga
shakiya in macluumaadka ama sirta kooxda u gudbiyaan meelo kale.
C/raxmaan Diini, Hiiraan Online
[email protected]
