Ciidamada dowladda iyo Al-shabaab oo ku dagaalamay deegaanno hoostaga gobolka Sh/hoose
Talaado, May, 02, 2017 (HOL) – Wararka naga soo gaaraya gobolka
Shabeellaha hoose ayaa sheegaya in dagaal saacado badan qaatay uu ku dhaxmaray
deegaanno hoostaga gobolka ciidamada dowladda Soomaaliya iyo kuwa xarrakada
Al-shabaab.
Dagaalka ayaa dhacay kaddib markii Al-shabaab ay weerartay saldhig ciidamada
dowladda ku lahaayeen meel u dhow deegaanka Number 50.
Wararka ayaa sheegaya in uu jiro khasaare ka dhashay dagaalka, waxaana
Al-Shabaab lagu eedeeyay inay gubeen deegaano guryo.
Cabdullaahi Waafoow oo ah guddoomiyaha deegaanka Number 50 ayaa sheegay in dagaalka ay uga dileen
alshabaab tiro dagaalyahano ah, ayna gacanta ku hayaan meydadka labo
dagaalyahan.
Guddoomiyaha ayaa intaa ku darray in Al-shabaab ay gubeen deegaano markii
hore laga barakacay, sidoo kalana ay laayeen xoolo dad rayid lahaayeen, waa
sida uu hadalka u dhigay guddoomiyaha.
Xaalada deegaanadii lagu dagaalamay ayaa saakay degan, waxaana Al-Shabaab la
sheegay in ay dib ugu laabteen goobihii ay markii hore soo weerareen.
C/raxmaan Diini, Hiiraan Online
[email protected]