Isniin, May, 01, 2017 (HOL) – Maamulka Hirshabeelle ayaa
warqad cabasho ah oo ka dhan ah dowladda federaalka Soomaaliya u gudbiyay
xildhibaannada laga soo doorto deegaannada uu maamulka ka arimiyo ee ku jira
baarlamaanka federaalka, kadib markii sida ay sheegeen dowladda iska hortaagtay
in ay dib u hagaajin ku sameeyaan garoomada diyaaradaha iyo dekedaha ku yaala
deegaannada hoostaga maamulka.
Wasiirka wasaarada dekedaha iyo gadiidka maamulka Hirshabeelle Cabdikariin
Cali Nuur ku sheegay in dowlada federalka ay ka hortaagan tahay maamulka
Hirshabeele inuu furto dekedaha iyo garoomada diyaaradaha ee ku yaal
Hirshabeelle.
“Dowlad goboleedyada kale sida Puntland waa loo oggol yahay inay dekedahooda
iyo garoomadooda shaqeeyaan ayna la galaan heshiisyo dalalka dibada balse
Dowlad Goboleedka Hirshabeelle looma ogola inay furato dekedaheeda iyo
garoomada diyaaradaheeda.”ayaa lagu yiri qoraalka ka soo baxay dowlad
goboleedka Hirshabelle.
Maalmihii ugu danbeeyay deegaannada uu ka arimiyo maamulka Hirshabeelle
waxaa ka soconayay dibadbayo looga soo horjeedo dowladda federaalka, hasse
ahaatee wali arinta kama aysan jawaabin mas’uuliyiinta dowladda.
Hoos ka Akhriso qoraalka :
C/raxmaan Diini, Hiiraan Online
[email protected]