Isniin, May, 01, 2017 (HOL) - Shuban biyood mudooyinkii u danbeeyey ka jirey deegaanka
Buuhoodle ayaa si xawli leh ugu faafaya degaano balaadhan oo hoos yimaada
iyadoo laga cabsi qabo inuu u gudbo degmada Laascaanood.
Isbitaalka Daryeel ee Buuhoodle ayaa
maanta dadka yaal la sheegay in ay yihiin 202 ruux iyadoo maalinkasta la
keenayo bukaan horleh oo xanuunku uu soo ridanayo, halka qaarbadanina ay ka
badbaadayaan oo banaynayaan goobihii dadka cusub la jiifin lahaa,
Isbitaalka ayaan awood u lahayn
daboolida baahiyeed ee bukaanka isdaba socda kuwaas oo inta badan laga keenayo
dhinacyada baadiyaha, taasina waxa ay keenatay in dhirta hoosteedu qayb ka
noqoto waadhka dadka la dhigayo.
Magaalada Widhwidh oo 60Km. bari
kaga quman Buuhoodle ayaa ah halka ugu badan ee dhibaatada shuban biyoodku sida
xawliga u naafeeyey iyadoo 48dii saacadood ee la soo dhaafay la jiifiyey
isbitaalka 108 ruux.
Widhwidh ayaan lahayn wax gaadiid
caafimaad ah iyadoo ay dadka dhabaatada shuban biyoodku saameeyaana ay u badan
yihiin dhulka ka baxsan xili roob ka da'ay oo gaadiidka caadiga ah aanu awoodi
karin socodka wadooyinka.
Deegaanada Banyaal, Dandan,
Geed-dheer, Xamar-lagu-xidh iyo degaano kale ayaa iyagana la sheegayaa in
goobaha iskoolada la dhigay dad badan oo bukaankaan ah si loogu dabiibo loogana
saaro bulshada dhexdeeda iyadoo 11 ruux ay dhinteen 48 saacadood ee aan soo
dhaafnay.
Dhamaan degaanadaasi waxay si aad ah
uga cabanayaan in aanay haysan daryeel caafimaad oo ay ku xakameeyaan dadka soo
uu soo ridanayo xanuunkan oo hada galaaftay boqolaal dad ah oo u badan caruur
iyo dad waayeel ah.
Korarka dadka uu soo ridanayo Shubanka
ayaa waxaa sabateeda la saarayaa curashada roobka oo sababay in dadku cabaan
biyo aan nadiif ahayn iyadoo baqtiga xoolaha uu daadsanaa degaanka oo dhan,
waxaana la sheegayaa in ay dhici karto in uu ku sii fssfo degaano kale maadaama
ay jirin wax maamul ah oo xakamaynaya isu socodka bulshada iyo wacyigelin
la'aan.
Seynab A Warsame
[email protected]
Gobolka Sool