Isniin, May, 01, 2017
(HOL) - Maanta waxaa caalamka badankiis looga dabaaldagayaa maalinta Shaqaalaha
iyadoo dalka Soomaaliya uu ka mid yahay 80 dal oo shaqaalaha howlahooda ay ka
nasanayaan.
Mas’uuliyiinta ugu sareysa dowladda federaalka Soomaaliya
ayaa hambalyo u diray dhamaanba shaqaalaha Soomaaliyeed , iyaga oo balanqaaday
in dowladda si joogta ah u bixin doonto mishaarka shaqaalaha Soomaaliyeed.
Ra’iisal wasaaraha Soomaaliya Xassan Cali Kheyre ayaa sheegay in shaqaalaha Soomaaliyeed lafdhabar u
yihiin hormarka dalka, isagoo shaqaalaha ku booriyay in ay sii labo jibaaraan
adeegyada ay u hayaan bulshada Soomaaliyeed.
Taariikhda maalinta xoogsatada adduunka, waxay ka billaabaneysaa halgankii
xoogsatada ee waddamada yurub iyo Mareykanka 1886, ka dib markii ay u adkeysan
waayeen dulmiga ay ku hayeen warshadleyda naxriista darneyd,iyagoo xoogsatada
ku shaqeysanayay saacado dheer, daryeel la’aan dhinaca nolosha iyio
caafimaadka.
Dowladda federaalka Soomaaliya ayaa fasaxday maalinta awgeed dhamaanba
shaqaalaha rayidka ah iyo kuwa dowladda oo u dabaaldagaya munaasabada 01May.
C/raxmaan Diini, Hiiraan Online
[email protected]
