Khamiis, Maarso 09, 2017 (HOL) -Jaaliyadda Soomaaliyeed ee gobalka Minnesota ayaa
xalay magaalada Minneapolis ku qabtay xaflad lagu xusayo maalinta haweenka ee Adduunka, xafladdaan oo ay
soo abaabushay ururka haweenka ee ISUROON oo ah hay’ad ka shaqaysa arimaha haweenka , ayaa waxaa kala soo qaybgalay haweenka soomaaliyeed qaar ka mid ah bulshooyinka kala duwan ee gobalkan deggan.
Faruun
Weli oo ah madaxa uruka ISUROON oo la hadleysay
dadkii goobta isugu yimid ayaa xustay in maalinta haweenku ay tahay maalin dhiirigalineed oo sare u qaadeysa hamiga haweenka aduunka. Fartuun ayaa carabka ku dhufatay in ay muhiim tahay in bulshadu ay iska kaashadaan ka hortagga tacdiyada ka dhanka haweenka,
sidoo kalena loo baahan yahay in haweeka loo sameeyo banaamijyo kor loogu soo qaadayo aqoontooda, laguna kobcinayo dhaqaalahooda.
Fanaanadka
caanka ah ee Soomaaliyeed Hiba Maxamed
Hiba-nuura, oo ka mid aheyd haweenka madasha isugu yimid ayaa khudbaddeeda ku soo koobtay suugaan ay uga warameysay waxtarka haweenka
Soomaaliyeed iyo doorka ay bulshada kaga jiraan haweenka aduunka.
Marti
sharaftii lagu cusuumay xuska maalinta Haweenka
aduunka ayaa aad uga hadlay kaalinta ay kaga jiraan haweenku bulshadda
waxaa ka mid ahaa dadkii goobta ka hadlay Minnesota Senator Jim Abeler
isagoo u mahadceliyey hay’ada ISUROON, waxaa iyaduna ka hadashay xuskaan
maalinta haweenka madaxa hay’adda Youthprise
Wokie Weah oo aad uga hadashay kaalinta ay horemarinta bulshada kaga
jiraan Haweenka.
Hay’adda Isuroon ayaa
waxay habeenimadii xalay Abaalmarino ay gudoonsiisay shaqsiyaad door muhiima ku lahaa
waxqabadka hay’adda iyo waliba Hibo Maxamed Gudoon oo lagu xusay doorka ay ku laheed dhiirigalinta haweenka Soomaaliyeed
Siyad Said Salah
Hiiraan Online
[email protected]
Minneapolis,MN