Arbaco, 08, 2017 (HOL) - Iyadoo waayadii ugu danbeeyay ay soo
ifbaxayeen tacadiyo ay dilalka ka mid yihiin oo ciidamada dowladda ay kula
kacaan dadka rayidka ahaa waxaa arintan ka hadlay sii hayaha wasaarada amniga
gudaha C/risaaq Cumar Max’ed.
Wasiirka ayaa sheegay in aan askarta dowladda marnaba loogu dulqaadan doonin
sida uu hadalka u dhigay in ay dhibaateeyaan ama dil baraar ah u geystaan qof
rayid ah.
‘’Askarigii lagu helo in si bareer ah uu toogasho ugu geystay qof rayid ah
ama xitaa si aan ula kac aheyn u dila sharciga ayaa la hor geyn doonaa ciqaabta
danbiga uu galay uu ku muteystana waa lagu qaadayaa’’ ayuu yiri wasiirka.
Dhawaan ayeey aheyd markii ciidamada ka tirsan dowlada Soomaaliya Isgoyska
mashquulka badan ee Zobe magaalada Muqdisho ku dileen nin dhalinyaro ah oo
watay gaari yar, waxaana la sheegay in markii ay toogteen kadib goobta isaga
dhaqaaqeen.
Hasse ahaatee taliska militariga Soomaaliyeed oo arintan ka hadlay ayaa
sheegay in gacanta lagu soo dhigay askarigii dilka geystay sharcigana la
horgeyn doono.
Magaalada Muqdisho ayaa lagu arkayaa ciidamo kala duwan oo kala duwan oo
hadba dhinac isaga gooshaya kuwaa oo mar marka qaar dhibaato ay kala kulmaan
dadka rayidka ah.
C/raxmaan Diini, Hiiraan Online
[email protected]