Arbaco, 08, 2017 (HOL) - (HOL) – Taliyaha ciidamada xoogga dalka
Soomaaliyeed Max’ed Aadan Axmed oo la
hadlay warbaahinta ayaa uga digay ilaalada hoteellada Muqdisho in ay xirtaan
dareyska ciidamada..
Waxaa uu sheegay cidii lagu arko iyadoo dareeska ciidamada xoogga dalka
Soomaaliyeed ku ilaalinaysa hoteel in laga qaadi doono tilaabo sharciga
waafaqsan.
‘’Ma ogolaaneyno ilaalada hoteellada
Muqdisho in ay ku labistaan dharka ciidamada hadii ay ahaan lahaayeen kuwa
militariga booliiska iyo qeybaha kale ee ciidamada, hadii ay yihiin hay’addo
madaxbanaan oo la ogyahay oo u baahan ilaalo gaar ah waa in ay u sameeyaan
ilaaladooda dareys kale oo aan aheyn kuwa ciidamada ayuu yiri’’taliyaha
ciidamada xoogga dalka Soomaaliyeed.
Taliyaha ayaa sheegay in arintan
tahay mid aan marnaba la aqbali Karin, madaama ciidamada qalabka sida sida uu
hadalka u dhigay ka tirsaneyn ilaalada hoteellada Muqdisho.
Ugu danbeyntii, taliyaha ayaa
ciidamada ku wargaliyayin ay qabtaan qofkii lagu helo isagoo wata dharka
ciidanka dowladda Soomaaliya.
C/raxmaan Diini, Hiiraan Online
[email protected]