Maxamed Abgaaal “nabadda Boorama ku seexato ayey Jig jiga iyo Jabuuti ku seexdaan, ma doonayno in go’doon labaad galno”
Talaado, Maarso ,07, 2017 (HOL)- Wasiirkii hore ee Boosta iyo
Isgaadhsiinta Somaliland Maxamed Jaamac Abgaal ayaa sheegay inuu ka soo
horjeeddo saldhiga Militari ee Imaaraadku ka samaysanayo Garoonka magaaladda
Berbera la siinayo.
Maxamed Jaamac Abgaal ayaa
sheegay inuu wali dawladda mushahar ka qaatay balse uu Ra’yigiisa dhabta ah ka
sheegayo sida uu arko saldhiga Militari ee Imaaraadku ka samaysanayo
Berbera,isla markaana uu sheegay in aanay Danni ugu jirin Somaliland, waxaanu xukuumadda ka
codsaday inay dadweynaha qanciso.
“waxaan cadaynayaa in Saldhiga Ciidamada
Berbera laga siiyey inaan la dareen qabo in aan saldhigaasi dani inoogu jirin,
waan saluugsanahay, saldhigaasi maanta
diyaar uma nihin oo si fudud buu inoo
saamaynayaa oo qarankan buu saamayn ku yahay oo wadamadda dariska ayey
saamaynaysaa, nabadda Boorama ku seexato ayey Jig jiga iyo Jabuuti ku seexdaan,
ma doonayno in go’doon labaad galno oo jabuuti iyo Itoobiya go’doon ma labaad
ka galno diyaar uma nihin”ayuu yidhi Abgaal.
Waxaanu intaas ku daray “xukuumadda
waxaan leeyahay inta hadlaysa iyo inta aamusanba dawlad baad utihiin, nin la
doortay ayaa madaxweyne ah oo xiitaa mucaaradka ka xishooda inay madaxweynaha wax
ka sheegaan, ee marka la idin yidhaahdo na qanciya dee qanciya oo ha odhanina
jabuutiba shan bay haysataa”.
Siyaasi Maxamed Jaamac Abgaal
ayaa sheegay in aanu marnaba taageereen saldhiga Militari, isla markaana uu la
ragti yahay dadka ka soo horjeeda ee u aragta in aanay Danni ugu jirin
Somaliland iyo dalalka jaarka.
Barkhad-ladiif M.
Cumar, Hiiraan Online
[email protected]
Hargeysa, Somaliland.
