Talaado, Maarso, 07, 2017 (HOL) -Wasiirada
arrimaha dibadda dalalka jaamacadda Carabta ayaa kullan ku yeelanaya magaalada
Qaahira, iyaga oo ka arisanaya dhowr arrimood oo ay ka mid tahay go’aanka Mareykanka
uu safaaraddiisa Israaiil ugu rarayo magaaladda Quddus.
Kulankan ayaa ku soo beegmaya xilli
wasiirka arrimaha dibadda ee Britain Boris Johnson uu booqanayo israa’iil iyo
Falastiin.
Shirkaan oo ah mid sanad walba la
qabto waxaa kaloo ku jira arimaha loo wadahadlayo xaalada wadamada Suuriya,
Liibiya iyo Yemen.
Wadamada ku jira Jaamacada carabta
ayaa arimaha qaar aanan ka midaysnayn siyaasad ahaan iyo ciidan ahaanba.
Wadanka yemen oo dowlada Sacuudiga
ay ka wada dagaal ay hogaaminayso ayaa isna ah lafdhabar weyn oo shirkan looga
hadli doono.
Xaalka dalka Suuriya ayaa isna ah
mid u qodobaysan kulankan jaamacada Carabta ee magaalada Qaahira ka dhacaya.
Ugu danbeyntii, madaxweyne Donald
Trump ayaa horey u sheegay in safaaradda Mareykanka ee Israaiil uu geyn doono
Quddus arrintaasoo ay cambaareeyeen Falastiyiniinta iyo waddamo kale oo
caalamka ka tirsan.
C/raxmaan Diini, Hiiraan Online
[email protected]