Ciidanka Booliska Somaliland oo ka warbixiyey dhaawac soo gaaray taliyaha saldhiga degmadda Maxamed Mooge ee Hargeysa
Isniin, Maarso ,06, 2017 (HOL)- Afhayeenka ciidanka Booliska Somaliland,Faysal
Xiis Cilmi ayaa ka warbixiyey nin dhaawacay taliyaha saldhiga Maxamed Mooge ee
magaaladda Hargeysa.
Faysal Xiis ayaa sheegay in ninka rasaasta ku furay ciidanka booliska uu
ahaa sarkaal ka tirsan ciidanka laanta socdaalka Somaliland, isla markaana lagu
dabo jiro soo qabashadda ninkaasi lagu eedeynayo inuu dhaawaca u gaystay
taliyaha saldhigaasi.
“ Xalay goor dambe ayaa nin lagu magacaabo Maxamed Daanyeero oo ka tirsan
ciidana laanta socdaalka uu rasaas ka riday kaalinta 8aad, markii rasaasta la
maqlay markiiba waxa ku baxay taliyaha ciidanka degmadda Maxamed Mooge iyo
ciidan uu wato Cabdi Kayd markiiba wuxuu
rasaas ku furay ciidankii waxayna rasaastii ku dhacday taliyihii saldhiga
Maxamed Mooge, iyo askari la socday oo cisbitaalka yaalla”ayuu yidhi afhayeenka
Ciidanka Booliska Faysal Xiis.
Waxaanu intaas ku daray “ninkaasi xabadda riday gaadhi ayuu ku baxsaday
ciidanka booliskuna wuu ku baxay labaddii gaadhi oo uu ku baxsaday waa la soo
qabtay gaadhigaasi waxa lagu arkay dhiig waxayna cadaynaysa ninkii gaadhigaasi
watay inuu dhaawac yahay, falkaasi eedeysanaha waxa ka caawinayey inuu
baxsado laba wiil oo uu isagu dhalay,
waxaana ku tallo jiraan inay gacanta ku soo qabtaan.”
Ciidanka boolisku may sheegin sababta rasaastaasi loo riday iyo waxa
ninkaasi eedeysana ahi u toogtay askarta, haseyeeshee waxay ku koobeen inay ku
daba jiraan soo qabashadda ninkaasi.
Barkhad-ladiif M.
Cumar, Hiiraan Online
[email protected]
Hargeysa, Somaliland.