Isniin, Maarso, 06, 2017 (HOL) – Waxaa wali soconaya soo daabulista dadka
Soomaaliyeed oo ay sameeyeen dagaallada ka soconaya dalka Yemen, waxaana arinta
iska kaashanaya safaarada Soomaalida ee dalkaas, hay’adda qaxootiga ee Qaranka
Soomaaliyeed iyo hay’addo kale oo caalami ah.
Qunsulka guud ee Soomaaliya ee magaalada
Cadan Axmed Cabdi Xasan , oo loo yaqaano Axmed Suudaan oo la hadlay warbaahinta
ayaa sheegay in dad badan in ay ka soo badbaadiyeen dagaalada dalka Yemen
gaar ahaan magaalada Cadan.
Sidoo kale waxaa uu tilmaamay in
ay wali socoto daadgureeynta dadka Soomaaliyeed ee kunool magaalada
Cadan .
Waxaa uu sheegay in dooni ay soo
saareen 140 qoys oo Soomaaliyeed ,maanta Gelinka dambana ay soo gaari doonaan
Magaalada Berbera.
Dadkaan ayaa badankood waxa ay ka soo
jeedeen Koonfurta Soomaaliya, waxaana diyaarad looga soo qaadi doona magaalada
Berbera, iyadoona la soo gaarsiin doono Muqdisho.
Tan iyo markii dagaalada ay ka
bilowdeen dalka Yemen , waxaa socday dadaalo kala duwan oo lagu soo daad
guraynaayo dadka ay dhibaato ku heysato magaalooyinka ay dagaallada ka socdaan
ee dalka Yemen.
C/raxmaan Diini, Hiiraan Online
[email protected]