Isniin, Maarso, 06, 2017 (HOL) – Ugu yaraan laba ruux ayaa geeryootay, halka mid kalana uu dhaawacmay, kadib markii shil gaari uu ka dhacay wadada 21-ka October ee magaalada Muqdisho, sida goobjoogayaal ay sheegeen.
Shilka ayaa waxaa uu dhashay, kadib markii ay isku dheceen Gaari NOHA ah mid kale oo Xamuul ah.
“ Shilka waxaa uu dhacay Saaka aroortii, Gaariga NOHA-da ayaa waxaa ay ku dhacday, gaarigii Xamuulka, waxaan arkay dhaawacyo” sidaasi waxaa Hiiraan Online u sheegay mid ka mid ah dadka deegaanka.
Bilihii lasoo dhaafay, waxaa magaaladda Muqdishu ku soo yaraanayay shilalka noocaan oo kale ah oo sanadihii lasoo dhaafay ku soo noq-noqday caasimada.
Hassan Istiila