Golaha Guurtidda Somaliland guddi u magacaabay ka soo tallobixisa mudadda loo kordhin karo xukuumadda
Axad, Maarso, 05, 2017 (HOL) – Guddoomiyaha golaha Guurtidda Somaliland
Saleebaan Maxamuud Aadan, ayaa magacaabay guddi 21 xubnood ka kooban oo ka soo
tallo bixin doona muddo kordhinta xukuumadda loo samaynayo,,isla markaaana muddo
48 saacadood ah ku soo jeediyaan muddo kordhin.
Gudoomiyaha golaha Guurtidda Saleebaan Maxamuud Aadan oo golaha
ka hor hadlayey ayaa yidhi “Hawlihii qaranku inaga sugayey ee kale ayeynu
dhamaynaynaa, guddi 21 qof ayaan magacaabayaa oo uu gudoomiye ka yahay
gudoomiye ku xigeenka kowaad, waxaana culayska u saarnay inay cid walba iska
aragto”.
Guddidan oo ka kooban 21-Xildhibaan ayaa waxay ka soo
tallo-bixin doonaan muddo Kordhinta loo sameynayo Xukuumadda. Waxa kale oo ay
ka soo tallo-bixinayaan waxa laga yeelayo aqalka Golaha Wakiillada iyo
Golayaasha Deegaanada oo wakhtigoodii sii dhamaanayo.
Dhinaca kale, xisbiyadda qaranka ayaa golaha GUurtidda u
gudbiyey inay ku saleeyaan muddo kordhinta ay isku afgarteen saddexda xisbi iyo
madaxweynuhu, taas oo loo mudeeyey Octobar 10,2017, haseyeeshee, golaha
Guurtida ayaa iyagu ku adkaysanaya inay waajibaadkii uu dastuurku u siiyey inay
muddo kordhin sameeyaan ay samayn doonaan, isla markaana ay iyagu u taallo.
Saddexda
xisbi ayaa ka walaacsan in muddo ka badan wakhtigii la isku afgartay inay
kordhiyaan golaha GUurtidda, halka dadka saadaalinayaa tilmaamayaaan in illaa
laba sanno suuragal tahay inay kordhiyaan.
Si
kastaba ha ahaatee, maalinta Barri ayaa la dhawri doonaa mudadda isku afgartaan
in la kordhiyo, maadaama oo iyagu awood uleeyihiin inay wakhtiga doonaan
kordhin karaan.
Barkhad-ladiif
M. Cumar, Hiiraan Online
[email protected]
Hargeysa,
Somaliland.