Mas’uuliyiin ka tirsan maamulka Koonfur galbeed oo loo xiray gargaar la lunsaday
Axad, Maarso, 05, 2017 (HOL) - Wararka ka imaanaya magaalada Marka ee gobolka
Shabeellaha hoose ayaa sheegay in la xabsiga dhigay mas’uuliyiin ka tirsan
maamulka Koonfur galbeed oo lagu eedeeyay in ay lusadeen lacag gargaar ah loogu
talagalay dadka ay abaaraha saameeyeen.
Ciidamada AMISOM ee degan xero ku taala deegaanka Ceel Jaalle ayaa lagu
waramaya in ay yeereen mas’uuliyiintan si wax looga weydiiyo eedeymaha loo
jeediyay.
Xubnaha la sheegay in xabsiga la dhigay ayaa waxaa ka mid ah guddoomiyihii
hore degmada Marka Max’ed Cismaan Yariisoow oo ku eedeysan in uu lusaday lacago
gaargaar ahaan loogu talagalay in lagu caawiyo dadka dhibaateysan.
Wasiirka gargaarka iyo naafada maamulka Koonfur galbeed ayaa iska fogeeyay
dhinaciisa in uu wax lug ah ku leeyahay lacagaha la musuq maasuqay isaga oo ku
eedeeyay guddoomiyihii hore ee degmada Marka in uu lunsaday lacagaha gargaarka loogu
talagalay.
Maamulka Koonfur Galbeed Soomaaliya ayaan wali ka hadlin xarigan la sheegay
in ciidamada AMISOM u geesteen masuuliyiin ka tirsan mamaulkaasi, waxaana
arimahan imaanayaan xili horey looga digay in la musuq maasuqo gar gaarka loogu
tala galay dadka abaartu ay saameysay.
C/raxmaan Diini, Hiiraan Online
[email protected]
