Maamulka Hirshabeele oo sheegay in uu dib u howlgalinayo garoonkii Cisaley iyo dekeda Ceelmacaan
Axad, Maarso, 05, 2017 (HOL) – Maamulka gobolleedka Hirshabeelle ayaa sheegay in ay dib u
howlgalin doonaan dekeda macmalka ah ee Ceel Macaan iyo garoonka diyaaradaha ee
Cisaley ee Gobolka Shabeellaha Dhexe, oo mudo ka badan 15 sano ah aan la isticmaalin.
Wafdi uu hoggaaminayay Madaxweynaha
Hirshabeelle Cali C/llaahi Cosoble oo uu wehliyay Madaxweyne kuxigeenka Cali
Guudlaawe ayaa kormeer ku tagay Dekeda Ceel Macaan iyo deegaanka Ceel cadde oo
ku yaalla duleedka Muqdisho.
Mas’uuliyiintan ayaa sheegay in
muhiim ay tahay in dib loo howl geliyo labadaas goobood oo muhiim u ah
dhaqaalaha Maamulka Hirshabeelle
Waxaa rajo laga muujiyay dib u howl
gelinta Garoonka Cisaley, kaasoo ay sheegeen inuu ka soo degi doonaan
diyaaradaha Hey’addaha sama falka iyo kuwa Qaadka ka keena Kenya.
Ugu danbeyntii, hadii dib loo
howlgaliyo dekeda Ceel Macaan waxaa la leeyahay waxaa shaqo abuur ka heli doona
dhalinyarada iyo xoogsatada deegaanka, kuwaasoo shaqo la’aan soo food-saartay.
C/raxmaan Diini, Hiiraan Online
[email protected]
