Arbaco, Maarso, 29, 2017 (HOL) - Dowladda
Kenya ayaa kordhisay bandowga saaran degmada Mandera ee gobolka Waqooyi Bari ee
dalka Kenya kadib markii ay soo baxeen warar la xiriira weeraro ay damacsan
yihiin Al-shabaab in ay ka fuliyaan degmada.
Wasiirka Arimaha Gudaha Kenya Joseph Nkaissery ayaa sheegay in 12
saacaddood lagu daray Bandowga hadda , islamrkaana ay ka shiri doonaan mas’uuliyiinta
dalka Kenya.
Waxaa uu sidoo kale sheegay in bandowgaan labo tobanka saacadood ah in uu ka
duwan yihiin kuwii hore, islamarkaana ciidanka looga baahan yahay in ay
muujiyaan Feegignaan dheeri ah.
Waxa uu intaasi ku daray in la adkeyn doono Ammaanka Xuduudka Mandera ilaa
Lamu, halkaasi oo inta badan dagaalamayaasha Xarakadda Al-shabaab ka fuliyaan howlgalllada
Kenya ayaa Sanadkii hore bandow kusoo
rogtay Mandera ka dib markii ay kordheen weerarada Al-Shabaab ay ku qaadayaan
Mandera.
Ugu danbeyntii, ujeedada bandowga loogu soo rogay magaalada Mandera ee
gobolka waqooyi bari ee dalka Kenya ayaa ah xaqiijinta amniga iyo sidii looga
hortagi lahaa weerarada Shabaab.
C/raxmaan Diini, Hiiraan Online
[email protected]
