Isniin, Maarso, 27, 2017 (HOL) – Ciidamada ilaalada xeebaha dalka
Taliyaaniga iyo Maraakiib ay wataan ururo aan dowli ahayn ayaa sheegay in
badwaynta Mediterranean-ka ay ka soo badbaadiyeen 1,200 oo Tahriibiyaal ah
Axadii shalay aheyd oo kaliya.
Dadkaan tahriibayaasha ah oo ka soo raacay dooman
yaryar xeebaha dalka Liibiya ayaa la sheegay in mid kamid ah doomankaas oo alwaax
ka sameysnayd ay saarnaayeen 412 ruux.
Ciidamada ayaa sidoo kale waxaa
ay sheegeen in ay sare u kacday tirada tariibayaasha ka imaanaya waqooyiga
Afrika iyadoo haatan baddu ay tahay mid degan.
Dadkan ayaa la sheegay in ay ku jiraan dad ka soo jeeda
dalalka Itoobiya, Uganda, Soomaaliya, Tanzania, Kenya iyo dalal kale, waxaana
la sheegay in ay doonayeen in socdaal sharci daro ah ku galaan dalalka Yurub si
ay uhelaan nolol dhaanta mid ay ku heystaan dalalkooda.
Ugu dambeyntii, arintan ayaa waxa ay imaaneysaa xilli tahriibayaal ay
ku jiraan soomaaliya oo aanan tiro yareen ay ku dhinteen xeebaha u dhaxeeyo
Talyaaniga iyo Liibiya.
C/raxmaan Diini, Hiiraan Online
[email protected]