Qofkii geystay weerarkii London oo magaciisa la aqoosaday iyo siddeed ruux oo la xiray
Khamiis, Maarso, 23, 2017 (HOL) – Qofka lagu
tuhusan yahay in uu geystay weerarkii shalay ka dhacay Buuntada Westminster
ayaa la sheegay in uu ahaa qof Biritish ah sidaa waxaa sheegtay ra’iisal
wasaaraha dalka Theresa May
Booliiska ayaa u soo xiray falkan siddeed ruux
oo kadib howlgal baaxad leh oo ay qaadeen.
Booliiska ayaa ninkan magaciisa ku sheegay
Khalid Mascood 52, sano jir ku dhashay halka lagu magacaabo Kent oo Koonfurta
Lodon.
"Wali waxaan aaminsanahay in ninka weerarkan soo qaaday uusan cid ku
xirnayn balse uu ka shidaal qaatay argagixisada caalamiga ah'', ayuu yiri
Rowley oo warfidiyeenada kula hadlay magaalada London. Booliska UK ayaa sheegay
in weerarkii Arbacada ka dhacay buundada Westminster iyo bannaanka hore ee
baarlamaanka dalkaasi ay u badan tahay inuu xiriir la leeyahay Islaamiyiinta.
Wassiirka ariaha dibada ee Faransiiska Jean-Marc Ayrault oo ka hadlayey
hoteel Mariot ee magaalada London ayaa sheegay in Faransiiska iyo Britain ay
waajib tahay in sii ahaadaan kuwa mideeysan si ay u wajahaan khatarta uga
imaaneyeyo kooxah xagjirka. Booliska UK ayaa xabsiga u taxaabay ilaa iyo 7 qof
ka dib weerarkii ka dhacay magaalada London Arbacadii oo 4 qof ay ku dhinteen.
Ugu danbeyntii, ra'iisul wasaare Theresa May ayaa sheegtay in weerrarku uu
ahaa mid shaydaannimo ah oo lagu qaaday xorriyadda, dimuqraadiyadda iyo
xorriyadda hadalka.
C/raxmaan Diini, Hiiraan Online
[email protected]