Arbaco, Maarso, 22, 2017 (HOL) Hay’adda
ARAHA oo ah hay’ad gargaar oo ka shaqeysa arrimaha bini’aadnimada ee wadamada
Geeska Afrika, ayaa shir jaraa’id oo ay uga hadleysay abaaraha sii xumaanaya ee
ka jira Soomaaliya iyo wadamada deriska la ah, waxa ay ku qabatay magaalada
Minneapolis ee gobalka Minnesota.
Shirkaan
Jaraa’id oo ay uga gol laheed in la ogaysiiyo xaaladda abaaraha dadka & NGO’s
ku dhaqan gobolkaan Minnesota iyadoo lagu casuumay warbaahinta kala duwan ee
gobolka ayaa waxaa xaalada abaaraha ka waramay madaxa hay’ada ARAHA Maxamed
Idris oo ka codsaday hay’adaha gargaarka in meel looga soo wada jeesto wax ka
qabashadda abaartan oo laga walwal qabo inay gaarto tii 2011kii .
Shirkan
Jaraa’id oo ay ka soo qeyb galeen waxgarad iyo culimaa’udiin ka soo jeeda
geeska Afrika, ayaa dadkii ka hadlay waxaa ka mid ahaa, Sh. Cabdisalaan Shariif
oo ka mid ah maamulka Xarunta Islaamka ee Daarul-Hijra ee Gobalka Minnesota, ayaa
sheegay in dadka iyo culumadda Soomaaliyeed ay hayaan dadaal lakiin loo baahan
yahay dadaalkaas la mideeyo.
Dhamaan
masaajida ku yaal gobolkaan ayaa Jimcahii la soo dhaafay laga aruuriyey lacago
fara badan oo loogu gargaarayey dadka abaarahu saameeyeen, waxaana lacagahaan
lagu wareejiyaa hay’ado ay maamulaan dad Soomaaliyeed sida Camuud, Haro,
REED,iyo kuwo la mida oo iyagu u gudbiya gudaha ,inkastoo ay jirto gudi ay
magacowday dowlada Soomaaliya oo toos loogu diro lacagahaas ayaa waxaa
isticmaaladad kooban.
Siyad Said Salah
Hiiraan Online
[email protected]
Minneapolis Minnesota
